|
Ciuela
Ciuela (Cihuela en castellano) ye un municipio castellanoleyonés, situau en a provincia de Soria. A suya población ye de 58 habitants (2014), en una superficie de 34,29 km² y una densidat de 1,7 hab/km². CheografíaCiuela ye situada en a val d'o río Algadir. MugasO suyo termin municipal muga con Deza, con Turrillo, con Villa Luenga, con Embit de Fariza, con Fariza y con Bordalba. ToponimiaPor un texto de 876 relativo a Alifonso III de Castiella, que prenió os castiellos de Deza, Chella y Atienza, sabemos que os arabes andalusís la clamaban Chella, una forma mozarabe arcaica. Bi ha un documento de 1136, sobre la división d'as buegas diocesanas entre Tarazona y Sigüenza, quedando Deza y Ciuela en esta zaguera. En este documento s'escribe Zuella: Fariza Eclasiae Sanete Thome, Sancte Marie, Sancti Petris in aldeis. La Puebla, Mont Real, Pozuel, Bordalaua, Zuella, Baza, Embit, Cabrafuente, Alconchel, Torre Fermosa, Sisamón.
En un documento 1208–1210, Cartulario del Monasterio de Santa María de Huerta, se s'escribe Ciueruela (Civeruela). En un texto de 1444 apareixe como Cuthiella: En enmienda de Baza e Cuthiella de las cuales vos yo ove fecho merced con sus castillos e fortalezas.
En un texto escrito en aragonés medieval d'as actas d'as "Corz de Barcelona" de 1436-1437 podemos veyer a pronunciación con protesi velar Cigüela: Item, la villa de Deza e sus aldeas Ciguela, Ciria e Baronía con sus castiellos e fortalezas, los cuales fueron tomados de los regnos de Castiella, e han de seyer restituidos e tornados con sus términos..·[1]
En o sieglo XVI s'escribe Cigüela con regularidat en castellano, y en o sieglo XIX Cihuela. Referencias
Vinclos externos
|
||||||||||||||||||||||||||||||||||||
Portal di Ensiklopedia Dunia
