|
Carabantes
Carabantes ye un municipio castellanoleyonés, situau en la provincia de Soria. La suya población ye de 19 habitants (2017), en una superficie de 16,42 km² y una densidat de 1,16 hab/km². MugasLo suyo termin municipal muga con Deza, Quiñonería, Reznos, Verdello y Bichuesca. ToponimiaRamón Menéndez Pidal consideraba lo toponimo Carabantes d'orichen ilirico[1], porque bi heba un principe ilirio dito CARAVANTIUS y lo fa remontar a carau ("piedra", como lo toponimo ligur "la Crau", una reserva d'aus esteparias en Provenza). Coromines, que diz que las primeras luengas indoeuropeas que se charraban en la Peninsula Iberica no yeran encara diferenciadas en las brancas actuals celta, itala, iliria u atras, lo considera indoeuropeu sin diferenciar u sorotaptico. La terminación -ntes que presentan atros toponimos peninsulars como Ledantes y Polientes en Cantabria se remontan a los chenitivos singulars de la tercera declinación latina LAETANTIS y POLLENTIS d'antroponimos u cognomens feitos a partir de lo participio activo de present. En los dos casos s'ha dau la evolución fonetica regular de lo iberorromanz[2]. Este orichen a partir d'un chenitivo en -NTIS y un antroponimo u cognomen encaixa prou bien pa lo toponimo Carabantes como fosilizador d'un chenitivo *CARAVANTIS etimolochicament relacionau con l'antroponimo bien documentau CARAVANTIUS. Los toponimos Cervantes podrían estar variants de Carabantes[3]. En lo fuero de Calatayú (escrito en 1131 en latín medieval) fan mención de Carabantes como una muga de lo termin de Calatayú: et dono vobis Berdello cum suo termino et usque ad Calatajube: Et dono vobis Caravantes cum suo termino usque ad Calatajube: et dono vobis Albalat cum suo termino et inde usque Calatajube.
Referencias
|
||||||||||||||||||||||||||||||||
Portal di Ensiklopedia Dunia
