|
Ciria
Ciria ye un municipio de Castiella y Leyón situau en la provincia de Soria. La suya población ye de 90 habitants (2017), en una superficie de 52,64 km² y una densidat de población de 1,95 hab/km². CheografíaCiria ye en la marguin de lo río Manubles, que baixa de la versant oriental de la Sierra de Tablado y recibe un poco auguas enta baixo de la localidat lo suyo afluent barranco d'el Celorio, cua baixa dende la versant meridional de la sierra de Toranzo. Aguas ent'alto de Ciria lo río Manubles tiene un important cambio de dirección indicativo de procesos de captura fluvial por una erosión remontant mes gran en los tributarios de Xalón como lo Manubles que en los tributarios de Duero como lo río Araviana. Si en los primers kilometros Araviana y Manubles son paralelos, lo río Manubles encomienza a fer entre Borobia Ciria un chiro de 90 graus dica posar-se paralelo a los atros afluents de Xalón. Una part de lo sud-ueste de lo termin de Ciria ye en la sierra de la Bigornia. Lo puerto de Bigornia a 1.100 se situa entre esta sierra a lo sud-ueste y atras elevacions a lo nord-este, permitindo la comunicación con las localidaz aragonesas de Torre la Palla y Verdello, tamién en la val de lo río Manubles. MugasLo suyo termin municipal muga con Reznos, Torrubia de Soria, Noviercas y Borobia en la provincia de Soria y con Pomer, Malanquiella y Torre la Palla en la provincia de Zaragoza. ParlaLo lexico popular d'intrés etnografico de Ciria se conoix relativament bien por fegurar esta localidat en l'ALEANR, con la sigla So 402.[1] Referencias
|
||||||||||||||||||||||||||||||||||
Portal di Ensiklopedia Dunia
