Ришат Төхвәтуллин

Ришат Төхвәтуллин
«Татарстанның халык артисты» исемен алганда. 2024 ел
Төп мәгълүмат
Тулы исеме	Ришат Айрат улы Төхвәтуллин
Туу көне	3 март 1989(1989-03-03) (35 яшь)
Туу урыны	ССРБ, РСФСР, БАССР Туймазы районы, Карамалы-Гобәй
Эшчәнлек еллары	2009 — х. в.
Дәүләт	ССРБ ССРБ→ РФ
Һөнәрләр	җырчы
Моң	лирик тенор
Кораллар	фортепиано, гитара, баян
Жанрлар	эстрада
Хезмәттәшлек	Р. Ваһапов фонды
Лейбллар	TATAR MUSIC
Бүләкләр
official_rishat

Ришат Төхвәтуллин, Ришат Айрат улы Төхвәтуллин (1989 елның 3 марты, ССРБ, РСФСР, БАССР, Туймазы районы, Карамалы-Гобәй) — эстрада җырчысы (лирик тенор), «Татар җыры» халыкара фестивале лауреаты, Башкортстанның атказанган (2018), Татарстанның атказанган (2019) һәм халык (2024) артисты.

Тәрҗемәи хәле

1989 елның 3 мартында БАССР Туймазы районы Карамалы-Гобәй авылында туган. Әтисе Айрат Сөләйман улы, механизатор; әнисе Розалия Нурулла кызы, клуб мөдире; абыйсы Ренат (1986), сеңлесе Айгөл (1997). Октябрьскида музыка укуханәсенең хор бүлеген (җитәкчесе Галия Закир кызы Мусина, БР атказанган мәдәният хезмәткәре), Заһир Исмәгыйлев исемендәге Уфа дәүләт сәнгать академиясенең ялгыз җырлау факультетын (профессор Фәрзәнә Фәтхулла кызы Сәгыйтова, РФ һәм БР атказанган сәнгать эшлеклесе, классы) тәмамлаган (2013).

Иҗаты

Октябрьски музыка укуханәсенең 4нче курсында укыганда татар һәм башкорт җырын башкаручыларның «Дуслык моңы» төбәкара конкурсында 2нче урынны яулый. 2008 елда «Гәлсәр hандуғас» (Бәллүр сандугач) конкурсында катнашып, «Гармун моңы» җыры белән «Өмет» номинациясендә җиңү яулый. 4нче курстан концертлар белән тамашачы каршына чыга башлый. 2011 елда «Татар моңы» фестивалендә башкорт халык җыры «Элмәлек»не һәм татар халык җыры «Әллүки»не башкарып, 3нче урын ала. Рәшит Ваһапов исемендәге фестиваль лауреаты була. Рәшит Ваһапов фонды директоры Рифат Фәттахов җырчының беренче гастрольләрен оештыра.

Үзенең төркеме белән РФ төрле өлкәләрендә елына 130 концерт куя[1].

Альбомнары

• 2016 — «Гомеремнең бер елы»[2]
• 2017 — «Мин бәхетле»

Башкарган җырлары

Тыңлачы, сандугач Карамалы Гобәй Синнән башка Сиңа кадәр Зәңгәр күзле кызны сагынам Мәхәббәтем Кошлар кебек Авыл көе Туй теләкләре Ярат чын йөрәгеңнән

Бүген ярат мине Тургай Күңелдә торналар тавышы Абыема Керим әле урманнарга Казакъ кызы Аккошлар мәхәббәте Чын-чын әйтәмен Агым суы Әти-әнине зурлап

Ямьле җәй Сыерчыгым Мин еламыйм Күзләреңә карыйм Ялгыз агач Син бит минем Иң кадерле кешеләрем Гомер буе көттем шул сөюне һ. б.[3]

Бүләкләре, мактаулы исемнәре

Ришат Төхвәтуллин

«Гомеремнен бер елы» альбомы. 2016

• «Болгар радиосы»ның музыкаль премиясе
• «Гәлсәр hандуғас» («Бәллүр сандугач») җыр бәйгесе — «Өмет» номинациясендә җиңүче
• 2008 — татар-башкорт җырын башкаручыларның «Дуслык моңы» җыр бәйгесе — 2нче урын
• 2011 — «Татар моңы» җыр бәйгесе — 3нче урын
• Р. Ваһапов исемендәге халыкара «Татар җыры» фестивале — I дәрәҗә лауреат
• 2014 — «Башкорт җыры» телевизион конкурсы — җиңүче («Тыңлачы, сандугач» җыры белән)
• 2015 — «Башкорт җыры» телевизион конкурсы — җиңүче («Күзләреңне» җыры белән)
• 2015 — «Идел» халыкара телевизион җыр бәйге-фестивале — «Тамашачы сөюе» бүләге
• 2018 — Башкортстанның атказанган артисты[4].
• 2019 — Татарстанның атказанган артисты[5].
• 2024 — Татарстанның халык артисты[6]

Гаилә хәле

2023 елда өйләнгән.[7] Хатыны Алия Карачурина (Дүртөйле районының Чишмә авылында туган) Казан мәдәният һәм сәнгать университетында укыган. Ришат белән бер коллективта эшли, яшьләр дуэт белән җырлый.[8]. Улы Алим (2024 елның 10 апрелендә туган)[9][10].

Искәрмәләр

1. Ришат Төхвәтуллин белән интервью. БИЗНЕС Online
2. Альбом: Ришат Төхвәтуллин. «Гомеремнен бер елы»
3. Ришат Төхвәтуллин. 2018 елның 19 апрель көнендә архивланган. zvooq.online
4. Ләйлә Аралбаева. Рустэм Хамитов вручил Ришату Тухватуллину звание заслуженного артиста Башкортостана. ИА «Башинформ», 13 сентября 2018
5. Признание заслуг. 2019 елның 21 декабрь көнендә архивланган. «Республика Татарстан», 11.12.2019
6. Ришат Төхвәтуллин Татарстанның халык артисты булды! intertat.tatar, 23.12.2024
7. Ришат Төхвәтуллин ЗАГСка Алиягә караганда да кызурак чапкан. Интертат, 12.05.2023
8. Ләйлә Аралбаева. Йырсылар Ришат Төхвәтуллин менән Әлиә Ҡарасуринаның никахы булған. Башинформ, 18.04.2023(башк.)
9. Ляйсан Закирова. Певцы из Башкирии Ришат Тухватуллин и Алия Карачурина впервые стали родителями. ИА «Башинформ», 11.04.2024
10. Ляйсан Закирова. Звездная пара из Башкирии раскрыла имя первенца. ИА «Башинформ», 18.04.2024

Сылтамалар

• Рәсми сайт
• Зөһрә Садыйкова. Ришат Төхвәтуллин: «Балаларымны тәрбиялисем, яраткан башка бер эш белән шөгыльләнәсем килә».(үле сылтама) «Шәһри Казан», 30.11.2017
• Венера Мәҗитова. Ришат Төхвәтуллинның әти-әнисе: “Шул көннән улыбыз үзен кулга күтәртеп кенә йөртә башлады” 2019 елның 5 декабрь көнендә архивланган.. «Тулпар»

Моны да карагыз