|
Senés
Senés yera un lugar medieval situau en o municipio de Samianigo. ToponimiaPareixe que l'orichen d'iste toponimo se trobaría en un antroponimo.[1] HistoriaYe rechistrau que en a segunda mitat d'o sieglo XI bi heba 23 cabezas de familia en a localidat de Senés.[2] En os falsos privilechios ob honorem (entre sieglos XII-XIII) y l'alcuerdo de posesions de Sant Chuan d'a Penya feito en 1245 por o bispe Vidal de Canellas apareixe a ilesia de Sant Fertús de Senés como propiedat d'o monasterio pinatense. En primerías d'o sieglo XX se publica en a Revista de Huesca o noticiario d'un tal Pedro Villacampa, fillo de pais de Larrés y vecín de Chaca, naixiu en 1492 a on se diz que "abía en Senés 8 casas de fidalgos todas" y que debiu a las guerras o sinyor de Larrés, que yera d'a familia Urriés, manteneba con chentes d'o suyo linache a ueito familias libres se habioron de mudar-sen enta Larrés en o sieglo XV. En o sieglo XVI diz que "Johan de Urriés biejo cremó todas las escripturas de los vecinos de Senés", prevocando una revuelta de labradors que miraban d'esfenders as libertatz d'o lugar albandonau. Se diz tamién que "[...] en el mismo tiempo de 1400 anios se perdieron por guerras ataguas, arasul, orrzandue, y bolas, y asqués, esin y asum de modo que en poco tiempo se perdieron de Larrés á dacumuer 11 lugares y los 9 del todo, que no se hallara otro tal en tan poco espacio de una legua [...]". Bi ha un documento de 1797 en l'Archivo Provincial de Huesca a on encara se nombra a Francisco Oliván Orós, "labrador y vecín d'o lugar de Senés". Referencias
|
||||||||||||||||||||||||||
.svg){kind=small}
Portal di Ensiklopedia Dunia
