|
Aracastiello
Aracastiello, tamién conoixiu actualment como pardina de Camparés, yera un lugar medieval situau en l'actual municipio de Samianigo, amán d'a localidat d'Ibor. Encara bi ha restas d'un muro de bels 12 metros de largaria dencima d'un tozal dende a on s'alufran os lugars d'Ara y Avena. ToponimiaIste toponimo deriva d'o latín CASTELLUM + ARA ye decir "castiello d'Ara" u "castiello chunto a o lugar d'Ara".[1] HistoriaEn un documento d'o Cartulario d'o monesterio de Fanlo de l'anyo 1051 en o que Ínyigo d'Ipiés y a suya familia cambean unas propiedaz con l'abat Banzo unas propiedades, apareixen sinyando l'alcuerdo como testigos Sancho Garcianes d'Aracastiello y o suyo chirmán Aznar Garcianes (doc. 27). En 1139 o bispe de Uesca Dodón dona a Lope Galinz de Bolás a villa de Alboret "que iacebat deserta simul cum suo castello" con l'obchectivo de que la repoblara estando testigos d'a cesión, entre otros, Michaelis d'Astaun, Enneco Sanz de Gabín y Petri de Aracastelli. En un testamento de l'anyo 1182 atorgau por donya Oria de Estallo, en que dona a la limosna uescana cuantas propiedaz se diz: totam illam meam hereditatem quam ego habeo vel habere debeo in Aracastello et in suis terminis
Aracastiello estió un d'os lugars que facioron voto a Sant Indalecio en l'anyo 1187. Entre os sieglos XIV y XVI a suya ilesia yera anexa a la d'Ibor. Referencias
|
||||||||||||||||||||||||||
.svg){kind=small}
