Mont Albo (Alloza)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Mont Albo
Los Montalvos
Situación
Situación Alloza (Teruel)
Latitut
Lonchitut
Vértiz cheodesico
Cheografía
Cordelera Sistema Iberico
Sierra Fondada d'Alloza (serranías marguinals).
Macizo
Altaria 963 m
Alpinismo
Primera puyada
Ruta mas fácil Dende Alloza, dende Andorra u dende Crivillén
Mapa

Lo Mont Albo (Los Montalvos en castellano) ye una muela de 963 metros d'altaria situada en lo termin municipal d'Alloza (provincia de Teruel). En lo suyo cabalto bi ha un vértiz cheodesico.

Ye formada por calsineras, salagons y piedra d'arena de lo Mioceno superior y Plioceno,[1] que representan los zaguers materials sedimentarios que emplioron la fondada d'Alloza, cuenca sedimentaria neochena situada entre la sierra d'Arcos y atras sierras marguinals de lo Sistema Iberico teruelano.[2]

Toponimia

L'oronimo mont Albo ye transparent en mozarabe y en l'aragonés medieval preliterario u anterior a la formación de la scripta medieval. En las luengas iberorromanicas se produció una substitución de l'adchectivo cualificativo cromatico d'orichen latín albo por l'adchectivo cualificativo d'orichen francico blanco cuan encomenzaba la Reconquiesta,[3] por lo que mont Albo podría estar d'un periodo primerenco d'este proceso historico u anterior igual como Castralbo, Penyas Albas, Mont Albán u Torralba.

En lo sieglo XVII se fizo mención d'esta muela en lo libro "Itinerario del Reyno de Aragón (1610-1611)" de João Batista Labanha, escrito en portugués:

De hum cerro alto chamado Montalvo, que fica no cam.º de Alcoriza a Alloza 1/2 L. della...[4]

Referencias

  1. ↑ (es) Instituto Geológico y Minero de España: Mapa Geológico de España E 1:50.000. Calanda. Servicio de publicaciones de Ministerio de Industria y Energía, 1978. pp 19-20.
  2. ↑ (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984.
  3. ↑ (es) Jairo Javier García Sánchez: Atlas toponímico de España. Editorial: Arco/Libros, S.L., 2007, p 81, pp 259-260.
  4. ↑ (pt) João Baptista Lavanha, Lupercio Leonardo de Argensola, Tomás Fermín de Lezaún y Tornos: Itinerario del reino de Aragón por don Juan Bautista Labaña. Establ. tipog. del Hospicio provincial, 1895. p. 190.

Bibliografía

Vinclos externos