|
Castralbo
Castralbo (Castralvo en castellano) ye un barrio rural de la ciudat de Teruel, en la comarca de Comunidat de Teruel y provincia de Teruel. La suya población ye de 270 habitants (2012). ToponimiaPuet venir de Castrum ("castiello", "fortaleza") y album ("blanco"). L'adchectivo "albo" indica seguntes Agustín Ventura Conejero que ye un toponimo anterior a la reconquiesta.[1] CheografíaYe situato a 994 metros d'altaria sobre lo livel d'a mar, a una distancia de 4 km de Teruel. HistoriaAdintro de la comunidat d'aldeyas de Teruel, Castralbo feba part de la Sexma d'el Campo de Cella por lo menos dende 1309.[2] Manimenos, no presenta continuidat territorial con lo nuclio d'esta sexma y se suposa que perteneixió enantes a la Sexma d'el Campo de Sarrión como atras aldeyas sudorientals dica que la creyación de la Sexma d'el Campo de Visiedo con aldeyas de la Sexma d'el Campo de Cella obligó a reorganizar las sexmas fendo pasar por compensación cuatro aldeyas de la comarca de la sierra de Camarena (Aldeyuela, Camarena, Castralbo y Cubla), dende la Sexma de Sarrión a la de Cella.[3] En 1488 y 1495 yera en la sobrecullida de Mont Albán. En 1646 yera una localidat de la vereda de Mont Albán. Entre 1711 y 1833 yera en lo correchimiento de Teruel. Teneba la categoría d'aldeya por lo menos dica 1711, pero en 1785 ya teneba la categoría de lugar, tenendo concello en 1834. Yera en lo partiu chudicial de Teruel.[4] En la Edat Meya en Castralbo bi heba vinyers produciban un de los vins mes apreciaus de la Comunidat de Teruel.[5] Por lo que pareix la productividat cayó por lo enfridamiento de lo clima dimpués de la Edat Meya (Chicota Edat de Chelo). Referencias
|
||||||||||||||||||||||||||||||||
.svg){kind=small}
