|
Hespital de Benás
O Hespital de Benás[1] yera un cubilar de montanya situau en o termin municipal de Benás a 1.758 metros d'altaria, en a marguin ezquierda d'o Esera, en o Parque Natural de Pocez-Maladeta a o pie d'a linia de crestas que forma a frontera con Comenche. Se troba situau a bels 13 km d'a villa de Benás y actualment ye un hotel que aculle 55 cambras con spa y a estación d'esquí de fundo y de montanya de Plans de l'Hospital. Ya en o sieglo XII yera un hospital de caminants creyau por a Orden de Sant Chuan d'o Hespital.[2] Historia.jpg) A existencia d'un hespital en a val de Benás se remonta a la Edat Meya, cuan os caballers d'a Orden de Sant Chuan prencipioron a construyir hespitals, en o sentiu d'a epoca, ta auxiliar a os caminants que trescruzaban os Pireneus por os pasos de montanya d'a val. No se tractaba d'hespitals ta malautos, en o sentiu actual d'o termin, sino mas bien estarían posadas ta caminants a on se les ufriba alochamiento y birolla y si lo amenistaban se les curaban as nafras que podeban haber-sen feito mientres a suya marcha, podendo quedar-se alochaus en éls mientres un tiempo dica que se trobaban en condicions fisicas de continar a marcha. O hespital ha teniu cuantas ubicacions en a val, no distando entre si mas de bels centenars de metros. As diversas ubicacions pueden estar vesitadas y se troban adecuadament senyalizas. O primer hespital data d'o sieglo XII[3], arredol de l'anyo 1172, y d'él nomás se conserva bellas pocas enrunas situadas a bels 600 metrs a l'ueste de l'actual hespital (en as coordenadas ). Chunto a istas enrunas s'ubican tamién as d'a capiella de Sant Salvador, tamién d'o sieglo XII. Iste emplazamiento s'albandonó y en o sieglo XVI se construyó un nuevo hespital a bels 500 metros a l'este de l'actual hespital (en as coordenadas ) d'o que tampoco no se conservan mas que bellas pocas enrunas. Atra vegada, ista segunda ubicación fue albandonada dimpués d'estar estricallada por un lurte o día 6 de chinero de 1826, construyindo-se un tercer hespital chunto a la ubicación d'o segundo que fue conoixiu como a "Barraca del puerto". Posteriorment se construyó un atro, en un puesto muit amanau a o tercero, que tamién fue espaldau por un lurte dica que en 1874 se construyó un cinqueno en l'actual ubicación (en as coordenadas ) sobre o cual ye construyiu l'actual hotel. Dimpués de mas de 700 anyos d'uso, si paramos cuenta d'os suyos diversos emplazamientos historicos, l'edificio situau en a cinquena ubicación fue tamién albandonado en rematar a Guerra Civil Espanyola. No estió dica l'anyo 1990 que s'encetó a restauración de l'edificio prencipiando a suya actividat como hotel en l'anyo 2002. Se veiga tamiénReferencias
Enlaces externos
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Portal di Ensiklopedia Dunia
