|
Cubilar de la Rencllusa
O cubilar de la Rencllusa[1] (u en aragonés estándard La Renclusa) ye un cubilar de montanya d'o Pireneu aragonés situau en a versant norte d'o macizo d'a Maladeta, o mas alto d'a ladera sud d'o Pireneu. Administrativament ye situau en o termín municipal de Benás, comarca de Ribagorza, en a provincia de Huesca, Aragón. Tien una capacidat de 93 plazas y ye o punto de salida mas común ta puyar a la tuca d'Aneto (3.404 m), o pico mas alto d'os Pireneus, lo que lo converte en un d'os cubilars mas importants d'a cordelera. Ye situau a 2.140 metros sobre o livel d'a mar y se accede a traviés un sendero que sale de La Besurta, un aria recreativa a la que se puet acceder en autobús de linia, situada a poco mas de 1.900 metros d'altaria. Descripción O cubilar de la Renclusa ye chestionau por a Federación Aragonesa de Montanyismo (FAM), o Concello de Benás y o Centro Excursionista de Catalunya (CEC), y guardau por Antonio Lafon. En 1912 se construyó un chicot cubilar de montanya en o lugar que ocupa l'actual, enamplau y reformau cuantas vegadas. Actualment conta con os siguients servicios:
Se troba a os piez d'o macizo d'a Maladeta, y ye o nuclio habitau mas alto de dito macizo. Leva o nombre de La Renclusa porque ye baixo a tuca de la Pleta de la Renclusa, a vegadas abreviada como "tuca de la Renclusa", que s'alza dica os 2.679 metros d'altaria. D'hivierno, a vegadas se cubre de tot por a nieu, y ye difícil distinguir-lo d'o paisache blanco, ya que os nevazos astí, a partir d'octubre y noviembre son normals, dica alto u baixo mayo. O periodo de cheladas va dende octubre a mesmo chunio, y toz os anyos se baixa de -15 grados, incluso plegando a -20, lo que lo fa un cubilar con clima d'alta montanya. La Renclusa poseye estación meteorolochica propia, d'o rete NIMET de l'Achencia Estatal de Meteorolochía -AEMET-, a traviés d'a que se puet consultar, bosando, o parte diario de NIMET. Manimenos os datos son a vegadas irregulars, ya que, no toz os días as condicions d'accesibilidat son as óptimas, lo que fa que no bi haiga continuidat d'o 100% en os datos. Se veiga tamiénReferenciasEnlaces externos
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Portal di Ensiklopedia Dunia
