|
Dragón
 O dragón (d'o latín draco, y iste d'o griego drakon, "gripia" u "serpient", y iste de δρακεῖν, infinitivo aorista activo de δέρκομαι,[1] puedo veyer clarament) ye un animal fantastico mui conoixito en Europa y Asia. Basicament ye una gran serpient con dos garras, u a vegatas cuatre, y con una parella d'alas. O suyo rostro, asinas como atras partis d'o cuerpo, gosan estar mas relacionatas con tercers animals, como leons u bous. En toz os puestos se diz que os dragons pueden chitar fuego por a boca y son capables de cremar cualsiquier cosa.[1] Por un regular son salvaches y malignos. Matan as ramatas y os suyos amos. A sobén cusiran grans trasoros en solitario y tienen una gran sabiduría. Los esfensan mientres largos tiempos debito a la suya larga vida y a la capacitat de veyer incluso cuan son durmindo ya que no tienen parpagos, igual que as serpients. Dragons en AragónO dragón ye un animal muit relacionato con a mitolochía aragonesa y con o patrón d'Aragón, Sant Chorche. Destaca a falordia d'o Dragón d'Uruel que viviba en a Penya Uruel, amán de Chaca. Se deciba que a mirata d'os dragons himpnotizaba a qui la uellaba, por ixo un caballero aragonés aproveito isto ta matar a lo dragón. Pulió lo suyo escudo, como un mirallo y puyó enta la espelunga a on viviba o dragón fendo que iste mira-se o escudo y s'himpnotiza-se con a suya propia uellata mientres o caballero l'amortaba.  Atras falordias de dragons en Aragón son:
Dragons en fuents aragonesas Pero IV estió lo primer rei d'Aragón que emplegó lo simbolo d'o dragón alato en o suyo casco de combate. Se diz que os soldatos d'Aragón chilaban en as barallas Por San Chorche, D'Aragón!, por o cual teneba probablement un doble sentito l'adopción d'o dragón como simbolo d'os reis d'Aragón, a relación con o suyo patron y o pareixito fonolochico con o nombre d'o país. Mas tardi os simbolo heraldico d'o dragón (o "drac alat" en catalán) en Valencia ý atros territorios d'a corona esdevinio un murciagalo por o suyo pareixito con "rat alat" (forma asimilable a "murciagalo" en catalán). En o "Libro d'el Trasoro" dedican o capítol 141 a los dragons: Dragon es la mas grant sirpient de todas e encara vna de las mas grandes bestias del mundo, que habitan en la Jndia e en Etiopia, en do ha todos tiempos grant uerano. E cuando ixe de su spelunca, el corre por el ayre asi fuertment e de grant fortaleza, que el ayre ne reluze cerca el asi como fuego ardient.
E ha vna cresta e bocha chica, do el forado abierto, por do el saque la lengua e su spiritu. Nj su fuerça no es pas en a boca mas en la coda, do el nueze, mas por el ferir que por el nafrar; assi ha tan grant fuerça en la coda, mas que otra bestia njnguna; como quier que ella sia grand e fuert, si el dragon la strinye de la coda suya, que jamas lescape sin morir; nj encara el elefante mjsmo le conujene morir, yes a saber, que entre ellos ha mortal odio, segunt que el maestro dira aca auant en el conto del elefant.
Referencias
|
Portal di Ensiklopedia Dunia
