|
Leyenda d'o Barón d'Espés
 La leyenda d'o barón d'Espés u d'o sinyor d'Espés ye una versión ribagorzana d'o mito d'o cazataire maldito. O barón d'Espés u sinyor d'Espés yera un mecenas d'o monesterio d'Obarra, apedecato en este monesterio, que dimpués pasó a fer part d'a imachinación popular d'a val d'Isabana. Bernardo, barón d'Espés, yera de camín ta Obarra cuan sintió uns susurros, provinients de bruixas u duendes, que li deciban: Barón d'Espés, barón d'Espés si a Obarra va,
a Espés no hi tornaràs mes Bernardo no teneba miedo y contestó: ¿En els tres gossos que porto
i la espingarda? Tornar o no tornar a Obarra vull anar Siguió o suyo camín. Poco enantes d'a suya muerte encara podió sentir: A Obarra ia hi va anar
pero no en va tornar En este inte os tres cans se transformoron en animals furos por un encantamiento y lo matoron fendo-lo a piazos. Seguntes atras versions os mesmos duendes u bruixas de Turbón lo matoron con as suyas mans. Seguntes Serrano Dolader, que cita a Pedro Lafuente, a lo barón lo matoron os cans d'o monesterio d'Obarra dimpués de que la chent lo apresegasen en o congustro de Croqueta como venganza por pactar con as bruixas pa poder aproveitar-se de cualsiquier muller que querese. Carlos Francos diz que morió una nueit de tronada en Sant Chuan cuan prebaba de robar o trasoro d'o monesterio. Lo se mincharían os suyos cans u lo se levaría a corrient d'o río. Os viellos d'a vall de Lierp dicen que han visto en Obarra estatuas de cans de piedra en o mausoleu d'o barón. Jesús Castiella da atra versión d'o dialogo entre o barón y as bruixas: Sinyor d'Espés, Sinyor d'Espés,
Si vas a Obarra Tamién Eduardo Vicente de Vera en replega una versión en Calibos de Fogaril: Sinyó, sinyó d'Espés,
si a Ubarra vas
|
Portal di Ensiklopedia Dunia
