|
Casa d'o Sarrastanyo
A casa d'o Sarrastanyo (oficialment, en castellano, «El Sarrastaño») ye una pardina aragonesa d'o municipio de l'Aínsa-Sobrarbe, en a comarca de Sobrarbe y a provincia de Uesca. Actualment se troba despoblada.[1] CheografíaA casa d'o Sarrastanyo ye una casa sola, con bellas bordas y edificios auxiliars, que se troba en o sarrato d'o Sarrastanyo (d'a on que quita lo suyo nombre), en a cara d'o soaso de Buil que mira enta la valle d'a Cinca (norte y nord-este). Se troba totalment espaldada en l'actualidat porque fa muitos anyos que se despobló. Ye en un puesto muit elevau sobre a valleta d'o barranco d'a Capana, en dominando dende alto ixa pardina y tamién l'aldeya de Liners, que ye en a man cuentra d'o barranco. Se i puede arribar por o camín tradicional que uniba Liners con Santa María de Buil, que recibe o nombre de «os Dineretz» por a important presencia de fosils de Nummulites en a penya,[2][3] pero tamién dende a Capana, pos astí i naixe unaltra pista que s'achunta con a primera en a casa. ToponimiaSarrastanyo ye un toponimo que se composa de dos posibles lemas: «sarra» y «estanyo». O primer ye una forma arcaica, actualment desapareixida en as parlas vivas, d'a parola «sierra», pero que ha quedau fosilizada en o toponimo. A segunda puede fer referencia a bella acumulación d'augua que n'habe tiempos i podría haber habido. Referencias
|
||||||||||||||||||||||||||||||
.svg){kind=small}
