C.P.D. Bwrdeistref Conwy

Bwrdeistref Conwy

Enw llawn	Clwb Pêl-droed Bwrdeistref Conwy
Llysenw(au)	(The Tangerines)
Sefydlwyd	1977
Maes	Y Morfa
Rheolwr	Gareth Thomas
Cynghrair	Cynghrair Undebol

Clwb pêl-droed o dref Conwy yw C.P.D. Bwrdeistref Conwy (Saesneg Conwy Borough F.C.). Mae'r clwb yn chwarae yng Nghynghrair Undebol Huws Gray, sef prif adran gogledd Cymru ac ail reng pyramid pêl-droed cenedlaethol Cymru. Ffurfiwyd y clwb ym 1977 wrth i glybiau Tref Conwy a Conwy Royal British Legion uno o dan yr enw Conwy United[1].

Pêl-droed yng Nghonwy

Y dyddiau cynnar

Mae clybiau pêl-droed wedi bodoli yng Nghonwy ers dechrau'r 20g gyda chlwb Conwy FC yn aelodau o Gynghrair Arfordir Gogledd Cymru ym 1902-03[2] ac yn cystadlu yng Nghwpan Cymru ym 1909-10[3].

Borough Unted

Y clwb enwocaf o'r ardal oedd Borough United ffurfiwyd ym 1954 wrth i glybiau Conwy Borough a Chyffordd Llandudno uno. Llwyddodd Borough United i ennill Cwpan Cymru ym 1963 a dod y clwb cyntaf o Gymru i ennill gêm yn Ewrop wrth drechu Sliema Wanderers o Malta yng Nghwpan Enillwyr Cwpanau Ewrop 1963-64[4][5]

Hanes Bwrdeistref Conwy

Ffurfiwyd Conwy United ym 1977 wrth i glybiau Tref Conwy a Conwy Royal British Legion uno [1] ac ymunodd y clwb â Chynghrair Cymru (Gogledd) ar gyfer tymor 1977-78[6]. Ffurfiwyd Cynghrair Undebol y Gogledd ym 1984 gyda Conwy yn ennill y Gynghrair yn ei thymor agoriadol ac eto ym 1985-86[7][8] ac ym 1990 daeth y clwb yn un o aelodau gwreiddiol y Gynghrair Undebol[9].

Ym 1992 ffurfiwyd Cynghrair Cenedlaethol Cymru gyda Conwy yn cael gwahoddiad i fod yn un o'r aelodau gwreiddiol ac ym 1995-96 gorffennodd y clwb yn y trydydd safle a sicrhau eu lle yn Nghwpan Intertoto 1996[10] le cafwyd gemau yn erbyn Charleroi o Wlad Belg, SV Ried o Awstria, Zaglebie Lubin o Wlad Pwyl a Silkeborg o Ddenmarc.

Yn 2000 cwympodd y clwb allan o Uwch Gynghrair Cymru ac oherwydd problemau ariannol penderfynodd y clwb ddisgyn i Gynghrair Undebol y Gogledd yn hytrach na'r Gynghrair Undebol[1][11].

Record yn Ewrop

Tymor	Cystadleuaeth	Rownd	Clwb	Canlyniad
1996	Tlws Intertoto	Grŵp 4	Charleroi (c)	0-0
			Zaglebie (o)	1-2
			SV Ried (c)	1-2
			Silkeborg (o)	1-2

Cyfeiriadau

1. "Conwy Borough FC History". Conwy Borough FC. Archifwyd o'r gwreiddiol ar 2018-07-14. Cyrchwyd 2018-07-24.
2. "North Wales Coast League 1902-03". welshsoccerarchive.co.uk.
3. "Welsh Cup 1909-10". welshsoccerarchive.co.uk.
4. "Clwb y Cyffordd yn gobeithio efelychu Borough". Sgorio.
5. "Cysylltiad Cymru a Malta: atgofion Borough United". Sgorio.
6. "Welsh League (North) 1977-78". welshsoccerarchive.co.uk.
7. "Welsh Alliance 1984-85". welshsoccerarchive.co.uk.
8. "Welsh Alliance 1985-86". welshsoccerarchive.co.uk.
9. "Cymru Alliance: History". welshsoccerarchive.co.uk.
10. "Uefa Intertoto Cup 1996: Group 4". rsssf.com.
11. "Welsh Premier League Table 1999-2000". welshsoccerarchive.co.uk.

Cynghrair Undebol, 2018-19
Airbus UK | Bangor | Bwcle | Cegidfa | Conwy | Dinbych | Gresffordd | Hotspur Caergybi | Llanrhaeadr | Penrhyncoch | Porthmadog | Prestatyn | Rhuthun | Treffynnon Y Fflint | Y Rhyl