|
Torres (Ribagorza)
Torres (Torres del Obispo en castellano y oficialment) ye un lugar aragonés de la comarca de Ribagorza, perteneixient a lo municipio de Graus. La suya población yera de 169 habitants en 2010. Comprende l'aldeya d'El Toral. CheografíaLo lugar de Torres se troba en la val de Sarrón (entre las sierras de Llaguarre y Carrodilla), a 542 metros d'altaria sobre lo livel d'a mar, a una distancia de 92 km de la ciudat de Uesca, la capital de la suya provincia. ToponimiaLa chent d'este lugar diz Torres cuan charra con chent de la redolada, pa diferenciar-la de Torre d'Esera y Torrobato; ye la sola Torres (en plural) en Ribagorza. La forma larga con apelativo, Torres de l'Obispo, s'emplega cuan charran con chent de difora de la redolada pa diferenciar-la d'atras Torres. La forma teorica bisbe no la trobamos en la parla local. Ha teniu muitos cambios de nombre oficial a causa d'os cambios de mugas eclesiasticas:
dominio subjacent Graus, et Torres loca et oppida.
Luengas y parlasYe situau en una zona de transición estricta u microcheografica entre l'aragonés y lo catalán en as suyas modalidaz ribagorzanas. Seguntes lo mapa feito por Artur Quintana, la linia Chuseu-Torres-Alins desparte a l'este parlas catalanas de transición enta l'aragonés y a l'ueste parlas aragonesas de transición enta lo catalán. Una cosa intresant de la parla de Torres y d'atros lugars de la val d'el Sarrón, como Chuseu y Aler, ye que la terminación -rn de lo catalán se pronuncia -rt (fort, hivèrt, infèrt en cuenta de forn, hivern y infern). En Torres y Chuseu bi ha ciertas plabras no diftongadas como espòna (pronunciada con o ubierta). Demografía
FiestasVinclos externos
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
.jpeg)
.svg){kind=small}
