Topo d'augua

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Pa atros emplegos d'a parola topo se veiga Topo (desambigación).

Topo d'augua d'a especie Arvicola sapidus.

Topo d'augua (topo d'aigua en ribagorzano[1]) ye un zoonimo popular ambigo[1] que s'emplega en Aragón pa nombrar o que en realidat son especies de mamiferos diferents que pertenecen a cheneros, familias y mesmo órdens muit dispars, pero que tienen en común un aspecto exterior y mida parellanos, viven en cados aman de l'augua, y tienen costumbres aquaticos u semi-aquaticos.

A diferencia d'o topo de tierra, a mayoría d'especies que se diz topos d'augua son radedors de costumbres aquaticos, como bellas especies en o chenero Arvicola;[1] animals que en atras rechions tienden a estar más conoixius como «ratas» d'augua. En benasqués iste ye o solo sentiu que tiene a parola «topo»,[1][2] y se diz tabonero a os atros animals de tierra.

Tamién se conoix como «topo d'augua»[1] u «topo de río»[3] a especie Galemys pyrenaicus, un soricomorfo d'a familia d'os talpidos que sí que ye verdaderament amanau d'os topos de tierra y no ye pas un radedor.

Referencias

1. (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza 2004. ISBN 978-84-8986-235-7
2. (es) BALLARÍN CORNEL, Ángel, Diccionario del benasqués; Zaragoza, 1978. Consultable en linia a traviés de (an)(es)(en) Diccionario del benasqués. Consultau o 5 de setiembre de 2018.
3. (es) Insectivora en a Gran Enciclopedia Aragonesa OnLine, consultada o 5 de setiembre de 2018.

• Datos: Q65395912