|
Sierra de Campanué
A sierra de Campanué[1] u de Santa Liestra ye una sierra interior pirenenca[2] que desepara as comarcas de Ribagorza y o Sobrarbe mientres un recorrido d'aproximadament 19-20 kilometros, en sentido sud-ueste nord-este, dende termin municipal de Secastiella en sud dica lo termin de a Foradada d'o Toscar en norte. Aproximadament, a mitat meridional d'a sierra (a que queda en sud d'a linia imachinaria que uniría Troncedo y o despoblau de Caballera) recibe o nombre de Sierra de Turón u de Torón.[3] Hidrograficament, a baixant oriental se drena de camín ta o río Esera y a baixant occidental de camín ta o río Cinca a traviés de diferents barrancos y rigachuelos que i afluyen (a Nata, Usía y Formigals, y barranco d'o Salinar). Desepara a subcomarca sobrarbenca de a Fueva de a val de l'Esera, y en o suyo cabo mas septentrional gosa achuntar-se con a Sierra Ferrera en un aria d'altaria mas rebaixada, que ha nombre Collau u Puerto de Foradada. Referencias
Vinclos externos
|
||||||||||||||||||||||||||||||||||||||||||||||||||||||
.png)
