|
Sierra d'Arro
A sierra d'Arro ye un chicot sarrato que trescruza o municipio d'o Pueyo d'Araguás dend'a valle d'a Cinca enta o Barranco d'o Plano a man d'Arro, en dirección este-ueste. Sobrepasa escasament es 1.000 m d'altaria per a suya parti mes oriental, en o dito Tozal de Santa Catalina (a on que s'alza a ermita homonima). Desepara en o norte es lugars de Baixo Penyas y la Collada de Baixo Penyas (Araguás, Torrelisa, Os Molins, ecetra.) d'a plana alta d'o Pueyo. Antigament, en o suyo centro bi heba un nuclio habitato, A Caixigosa, huei deshabitato. O Mont d'Araguás (858 m) precipita per l'ueste la suya fesionomía dica o nivel d'a Cinca, que ciercula per es suyos piez. A parte meyanera d'o sarrato tien o tozalet mes altero a 938 m d'altitut, mientres que per a rematanza suya a l'este, o tozal de Santa Catalina s'enfila t'alto ta es 1.047 m, estando-ne de tot o puesto mes altero. Per ixa man, a versant d'Almozaras baixa enta la población d'Arro, ya en o termin municipal d'a Fueva. O canto meridional d'o sarrato se debuixa como una altiplana, que manda o lugar d'o Pueyo d'Araguás, que poquet a poquet, baixa enta la Cinca per l'Aínsa.
|
||||||||||||||||||||||||||||||||||||||||||||||||||||
.png)
