Río Arba

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Arba
Puent sobre o río Arba de Luesia, en a carretera Uncastiello-Luesia, muit amán de Luesia
Puent sobre o río Arba de Luesia, en a carretera Uncastiello-Luesia, muit amán de Luesia.
Administración
Estaus {{{estaus}}}
Territorios Aragón
Cheografía
Longaria 96 km
Altaria d'o naixedero 1.350 m
Naixedero Longars (Sierra de Santo Domingo)
Desembocadura río Ebro
Hidrolochía
Superficie d'a cuenca 2.249 km²
Cabal meyano {{{cabal}}} m³/s
Mapa

L'Arba en Aragón

O río Arba ye un río aragonés, o primer d'os afluents d'o río Ebro por a suya marguin ezquierda en Aragón. En realidat anque en a suya desembocadura ye un solo río, l'Arba ye formato por a unión d'atros dos ríos, clamatos tamién Arba (Arba de Biel y Arba de Luesia), os suyos naixeders son en a Sierra de Santo Domingo en o termin municipal de Longars,[1] y baixan recollindo en os dos casos auguas procedents d'as sierras preperinencas, concretament d'a sierra de Luesia.

Cheografía

L'Arba de Biel naixe en a versant sud d'a sierra de Santo Domingo en o termino municipal de Longars. Fluye engalzato ent'o sud por una val dica Luna a on s'ubre cuan dentra en a planeta de Cinco Villas. En Erla cambea de dirección enta l'ueste, rodiando por o sud o casco urbán d'a villa de Exeya d'os Caballers, dica que, poco mes adebant, s'une con l'Arba de Luesia. A la suya vegata, l'Arba de Luesia naixe en a versant sud d'a mesma Sierra de Santo Domingo. Dende allí baixa en dirección sudueste por Luesia y Malpica d'Arba dica Biota, a on s'ubre en dentrando en a planeta prenendo a dirección sud-este enta Exeya a on se troba con l'Arba de Biel y o Riguel.

Una vegada unitos l'Arba de Luesia y l'Arba de Biel, poco mes abaixo d'o casco urbán de Exeya, o cauz de l'Arba traviesa la parti sud d'o termin municipal d'ista villa y cruza de norte a sud tot o termin de Taust, dica desembocar a la fin en Gallur en o río Ebro.

Vinclos externos

Referencias

  1. ↑ Longars en la pachina web d'a Comarca de Cinco Villas.


Afluents d'o río Ebro
Marguin izquierda Nela · Xerea · Bayas · Zadoya · Ega · Aragón · Arba · Galligo · Segre
Marguin dreita Oca · Tirón · Nacheriella · Iregua · Leza · Cidacos · Alhama · Queiles · Uecha · Xalón · Uerba · Chiner · Lopín · Aguas · Martín · Regallo · Guadalop · Matarranya