Puntal

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Puntal de Bachaco

Un puntal ye una cima aguda, una prominencia aguda de lo terreno.[1]

Etimolochía

L'oronimo chenerico punta deriva de lo latín PŬNCTA ("estocada"). Por sufixación con -al sale puntal.[2] Se troba como formador chenerico en uns cuantos toponimos de l'antigo dominio lingüistico de l'aragonés en los Pireneus, Sistema Iberico y depresión d'Ebro. Tamién se troba en lo dominio lingüistico catalán a lo sud de las Garrigas, pasando a lo dominio castellano en lo dialecto murciano y en l'andaluz d'Almería.

La documentación mas antiga d'esta palabra en la depresión d'Ebro ye de 1262 en textos relacionaus con lo Monesterio de Rueda:[2]

sententiarunt quod primus mullon inter Scatron et Valimania esset circa viam qui vadit de Caspe ad Samper ubi incipit la Val Corba; deinde descendendo per illos puntales de la Val Corva usque a la Valliela...

En bel mapa topografico nacional apareixe anyadiu a toponimos como chenerico sin responder a usos tradicionals.[3]

Puntals en las mugas

Por estar puntos prominents y agudos s'ha feito servir los puntals pa establir mugas.

Con Navarra

• Lo puntal d'Uquerdi, 2252 metros, en o macizo de Larra, entre a val d'Ansó y Navarra.
• O puntal d'Arguibiela, 1433 metros, en a muga entre a Chacetania y Navarra.

Con Francia

• O puntal de Labata, 2219 metros, en a muga entre Ansó y Francia.

Con Valencia

• El puntal de Casino, 1262 metros, en a muga entre Teruel y Valencia.

Con Castiella

• El puntal del Corzo, 1749 metros, en a muga entre Teruel y Cuenca.

Pireneus

• O puntal de Bachaco, 2317 metros, en Sobrarbe.
• Lo puntal Norte de Secús, 2442 metros, en a sierra de Secús.
• Lo puntal de Secús, 2353 metros, en a sierra de Secús.
• Lo puntal d'Uquerdi, 2252 metros, en o macizo de Larra, entre a val d'Ansó y Navarra.
• O puntal de Labata, 2219 metros, en a muga entre Ansó y Francia.
• O puntal d'Arguibiela, 1433 metros, en a muga entre a Chacetania y Navarra.

Depresión d'Ebro

• El puntal d'el Penyasco, 808 metros, entre Borcha y Tarazona.
• El puntal de l'Obaco, 597 metros, en o termin de La Muela.
• Puntales, 359 metros, en o termin de Sastago.

Sistema Iberico

Envista de lo puntal de Penyagolosa.

• El puntal de Penyagolosa,[3] 1813 m, entre l'Alcalatén y l'Alto Millars.
• El puntal d'el Cabezo, 1766 metros, en o Mayestrato.
• El puntal del Corzo, 1749 metros, en a muga entre Teruel y Cuenca.
• El puntal d'el Mas d'el Vicario, 1741 metros, en o termin de Mosqueruela (Gúdar-Chabalambre).
• El puntal de Penya Roya, 1501 metros, en a sierra de Moncayo.
• El puntal de Casino, 1262 metros, en a muga entre Teruel y Valencia.
• El puntal (Calamocha), 1212 metros, en Calamocha (Teruel).
• El puntal de la Tabaira, 1202 metros, en Libros (Teruel).
• El puntal de Tormo, 1171 metros, en a Comunidat de Teruel.
• El puntal d'el Cuerno,[1] 782 metros, en o termin de Cetina. Puntal d'el Cuerno ye una tautolochía oronimica.
• El puntal de los Carboneros.[1]
• El puntal de la Concha.[1]
• El Puntal del Hocino: en Bellestar.

Referencias

1. (es) José Ángel Urzay Barrios: Cultura popular de la Comunidad de Calatayud. Arquitectura popular, tradición oral, fiestas y costumbres de la comarca. Tomo I. Centro de Estudios Bilbilitanos, Comunidat de Calatayú, 2006. p. 34.
2. (es) Juan Antonio Frago Gracia: Toponimia navarroaragonesa del Ebro (IV): Orónimos. Vol. 30-31, 1982 , pachinas 23-62.
3. (es) José Castillo Gil: La toponimia oral de las elevaciones macizas de Puertomingalvo (Gúdar-Javalambre, Aragón) y su rotulación con genéricos postizos a partir del siglo XX. Publicau en Onomàstica. Anuari de la Societat d Onomàstica, nº 2, 2016. p 68.

• Datos: Q97247788