|
La Gasconiella
La Gasconiella (La Gasconilla en castellano) estió una aldeya de la Comunidat de Teruel que quedó despoblada y anyadida a lo termin municipal de Teruel. ToponimiaLo toponimo La Gasconiella puede estar una evidencia de la participación de gascons en lo proceso de repoblación de Teruel, que d'acuerdo con atros datos estió minoritaria respecto a la d'aragoneses, navarros y castellanos. CheografíaLa Gasconiella se situaba en la versant occidental de la sierra de los Cabezos (considerada por bel autor como lo segmento norte de la sierra de Camarena), a piet de l'alto de la Sima (1.503 m), que ye a lo sud-este. La Gasconiella ye a l'ueste de Formich Susano, a lo norte de Casedón, a l'este de Val de Zebro, a lo sud de Corbalán, y a lo sudueste d'Escrich. Los termins de La Gasconiella mugaban con los de Teruel y La Puebla de Valverde. HistoriaAdintro de la comunidat d'aldeyas de Teruel, La Gasconiella feba part de la sexma d'el Campo de Sarrión. Un texto de lo 29 de mayo de 1465 escrito en aragonés teruelano informa sobre las mugas entre La Puebla de Valverde y La Gasconiella.[1] Entre 1950 y 1970 encara i heba dos mases habitaus en la zona, zona que alora se deciba Las Gasconillas. Referencias
|
||||||||||||||||||||||||
.svg){kind=small}
