García Sánchez III de Navarra

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

García Sánchez III de Navarra
Rei de Navarra
Rei de Navarra
1035 - 1054
Predecesor	Sancho o Mayor
Succesor	Sancho Garcés IV o de Penyalén
Naixencia	1020 ?
Muerte	15 de setiembre de 1054 Atapuerca, Condau de Castiella, Reino de Leyón.
Conchuche/s	Estevanía
Pai	Sancho III o Mayor
Mai	Muniadona Sánchez

García Sánchez I de Navarra, O de Nachera, estió un rei de Navarra, naixito dimpués de 1020 y muerto en Atapuerca (Reino de Leyón hue Burgos) o 15 de setiembre de 1054, en a batalla d'Atapuerca.

Oríchens familiars

García Sánchez I yera o tercer fillo (o primer fillo yera Remiro, encara que fillo ilechitimo) de Sancho O Mayor de Navarra y de Munia Mayor Sánchez, filla de Sancho Garcés de Castiella.

O suyo reinau

En 1035 morió su pai, Sancho O Mayor, y seguntes o suyo testamento o suyo primer fillo, Remiro, recibió o reino d'Aragón, o segundo fillo, Ferrando, o condau de Castiella, o tercer fillo, García Sánchez, o reino de Navarra, y o cuatreno fillo, Gonzalo, os condaus de Ribagorza y Sobrarbe.

En 1037 García Sánchez aduyó a su chermano Ferrando I de Castiella a redotar a Bermudo III de Leyón, cunyato de Ferrando, en a batalla de Tamarón, a on morió Bermudo, o zaguer descendient d'o lechendario Don Pelayo. Dimpués d'a redota y muerte de Bermudo, os dos chermans se repartioron o suyo reino: Ferrando s'apoderó d'o reino de Leyón y García Sánchez ixampló o suyo reino dica Cantabria, con o País Basco.

En 1043 García Sánchez redotó en a batalla de Tudela a su chermanastro Remiro I d'Aragón, y o reino d'Aragón perdió bels territorios occidentals, ceditos a o reino de Navarra.

Antiparte, en 1045 conquerió Calagorra, en La Rioja, ixamplando o suyo reino enta lo sud, aprofitando a febleza d'os reinos de taifas dimpués de desfer-se o Califato de Cordoba, arredol de 1010.

En os anyos 1050, a baralla con su chermano Ferrando I de Castiella por a muga entre toz dos reinos portó ta una guerra ubierta, y García Sánchez morió o 15 de setiembre de 1054 en a batalla d'Atapuerca contra as tropas de su chermano.

Matrimonios y fillos

En 1038 García Sánchez casó con Estefanía de Foix, filla de Bernat Rocher de Foix, conte de Foix y Coserán, y Garsenda, contesa de Bigorra. Estefanía yera viuda d'o suyo primer matrimonio y teneba una filla clamata Constanza. Tenioron 9 fillos:

• Sancho O de Penyalén, naixito en 1039 y casato con Placencia de Normandía.
• Urraca Garcés, sinyora d'Alberite, Lardero y Logronyo, casata con García Ordónyez, conte de Nachera y sinyor de Granyón.
• Ermesenda Garcés, casata con Fortún Sánchez, sinyor de Yequeda y Yarnoz (iste zaguer, en Noáin).
• Remiro de Navarra, sinyor de Calagorra, Torreciella en Cameros y Ribafreta.
• Ferrando de Navarra, sinyor de Bucesta, Jubera, Lagunilla y Oprela.
• Remón de Navarra O Fratricida, sinyor de Murillo de Río Leza y Agonciello. Dimpués d'asesinar a su chermano, se refuchió en a Taifa de Saraqusta con Al-Muqtadir.
• Ximena Garcés de Navarra, sinyora de Daroca, Corcuetos y Hornos.
• Mayor Garcés de Navarra, sinyora de Yanguas, Atayo y Velilla.
• Sancha Garcés, abadesa de Sant Martín de Cuevagallegos.

García Sánchez tenió tamién dos fillos bordes:

• Sancho Garcés sinyor d'Uncastiello y Sangüesa, casato con a suya chermanastra Constanza, filla de Garsenda de Bigorra.
• Mencía Garcés, casata con Fortún Ochoa, primer sinyor de Cameros, sinyors de Nalda, Leza y Jubera.

Predecesor: Sancho o Mayor

Rei de Navarra 1035 - 1054

Succesor: Sancho Garcés IV o de Penyalén

• Datos: Q359043
• Multimedia: Garcia Sánchez III of Navarre / Q359043