Chenero gramatical

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Este articlo tracta sobre o chenero que ye un accident gramatical de muitas luengas. Ta altros emplegos d'a palabra se veiga Chenero (desambigación).

O chenero gramatical ye un sistema de clasificación nominal que bi ha en cualques luengas en que os elementos nominals se clasifican dentro un numero mugau de clases pa las que bi ha reglas de concordancia.

En as luengas indoeuropeas o numero de cheneros ye entre dos y tres, por un regular masculín, feminín y neutro, y cadagún concierta con una flexión. N'atras luengas o numero de clases nominals puet superar la decena.

O chenero ye una propiedat lingüistica n'un idioma y no indica necesariament o sexo biolochico, encara que en cualques idiomas un u mes cheneros s'empleguen pa un d'os sexos biolochicos.

O chenero gramatical en latín

En a luenga latina bi heba tres cheneros: masculín, feminín y neutro. A mayoría d'as palabras de chenero masculín terminaban en -US, as femininas en -A y as neutras en -UM, encara que bi heba cuantas excepcions, como tamién en as luengas romances actuals.

En latín vulgar

En latín vulgar o tardán, o chenero neutro desapareixió, probablement por no tener dengún significau semantico especial, y tamién por a evolución fonetica que fació desapareixer a diferencia entre as terminacions d'os cheneros masculín y neutro. Por ixo, a mayoría d'as palabras orichinalment neutras en latín clasico, fusionoron con o chenero masculín en as luengas romances, y beluna con o feminín. Ye menester de mencionar que a terminación plural d'as palabras neutras en latín yera, regularment, una -A (por eixemplo FOLIUM > FOLIA), d'a que en as luengas romances evolucionoron palabras singulars de chenero feminin; por eixemplo: FOLIA > fuella (realment: 'fuellas').

En aragonés

Ta más detalles, veyer l'articlo chenero gramatical en aragonésveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

O chenero gramatical en aragonés se puet clasificar seguntes diferents grupos de palabras.

As palabras que derivan d'a segunda declinación u asimiladas a la segunda conchugación gosan estar masculinas:

• FILIU(M) > fillo.
• SCIURU + OLU(M) > esquiruelo.

As palabras que derivan d'a primera declinación gosan estar femininas:

• FILIA(M) > filla

Bi ha plurals neutros asimilaus a la primera declinación que se converten en singulars de chenero feminín:

• FOLIA(M) > fuella

As palabras terminadas en -or son femininas:

• a honor, a calor, a color, y en aragonés medieval la amor.

Os arbols frutals por un regular terminan en -era, sufixo que deriva d'o latín -ARIA y tienen por un regular chenero feminín:

• a perera, a manzanera, a nuquera, a castanyera, a tellera/o tilero, a olivera, a ciresera, l'almendrera

Por extensión a mata que produce bel fruito aproveitable tamién puet terminar en -era y ye de chenero feminín:

• chordonera, tomatera, milloquera.

O chenero d'os ríos ye variable seguntes o río.

• Muitos que terminan en -a tienen chenero feminín: a Cinca/a Cinga, a Cinqueta, a Garona, L'Arba, a Noguera, a Isuela, La Uecha, La Uerba, etc... Este zaguero se clamaba en lenguache d'o sieglo XVI río de la Uerba.
• Muitos que provienen d'a segunda y tercera declinacions tienen chenero masculín: L'Ebro, O Galligo, O Flumen, L'Alcanadre.

En castellano

Ta más detalles, veyer l'articlo chenero gramatical en castellanoveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

O chenero gramatical en castellano distingue en os sustantivos, adchectivos, articlos y cualques pronombres personals entre chenero masculín y chenero feminín. Manimenos tamién existen restos d'o chenero neutro d'orichen latín, pero limitau a lo pronombre personal (ello), l'articlo definiu (lo), os cuantificadors (cuanto, cuánto, tanto), os pronombres demostrativos (esto, eso, aquello) y bel pronombre indefiniu (algo, nada, todo).

O chenero d'os sustantivos

Muitas vegadas se puet deducir o chenero d'as palabras seguntes as suyas terminacions.

Son de chenero masculín

• cheneralment as palabras terminadas en -o, -or, -n (libro, valor, corazón, ecetra.)
• os sustantivos d'orichen grecolatin terminaus en -ma y -ta (poema, panorama, planeta, poeta, ecetra.)
• as palabras relacionadas con os hombres, animals masculins, profesions masculinas, ecetra. (panadero, conductor, padre ecetra.)
• os nombres de ríos, vals, mars, ecetra.
• os nombres de dias d'a semana u d'o mes.
• os toponimos y nombres cheograficos que no terminan en -a.

Son de chenero feminín

• cheneralment as palabras terminadas en -a (casa, puerta, ventana, ecetra.)
• as palabras relacionadas con as mullers, animals feminins, profesions feminins, ecetra. (madre, vaca, modelo, ecetra.)
• totas as parablas terminadas en -dad u -tad, -tud, -ción, -sión y -xión (calidad, juventud, canción, pasión, flexión, ecetra.).
• os toponimos y nombres cheograficos que terminan en -a.

Bel eixemplo como excepcions

• palabra que termina en -o, pero ye feminina: mano
• palabras que terminan en -a, pero son masculinas: día, mapa, tequila, ecetra.

Palabras invariables en chenero

En castellano bi ha palabras, sobretot que significan profesions, que no varían en chenero. En iste caso nomás l'articlo definiu u l'adchectivo marca o suyo chenero:

• palabras terminadas en -ista: el periodista, la periodista
• palabras terminadas en -nte: el cantante, la cantante; el presidente, la presidente (encara que existe tamién a forma moderna la presidenta).
• altros eixemplos: el joven, la joven (encara que existe a forma dialectal la jovena); el juez, la juez (tamién existe a forma poco usual la jueza).

Palabras de chenero ambigo

• Bi ha bel sustantivo en castellano que se puet usar como masculins y feminins tamién, por eixemplo: el mar, la mar (a segunda forma ye mes poetica).
• En ocasions, una palabra puet usar-se como masculina en singular y feminina en plural: el arte histórico, pero las bellas artes.

Palabras homonimas con significaus que varían seguntes o chenero

• el capital ('fondo monetario') y la capital ('ciudat prencipal')
• el orden ('colocación u clasificación de cosas', 'institución relichiosa') y la orden ('mandato que s'ha d'executar'), ecetra.

O chenero d'os pronombres, articlos y cuantificadors

A diferencia d'os sustantivos, os pronombres, articlos definius y os cuantificadors pueden tener chenero neutro, antimás d'o masculín y feminín. En iste caso, a terminación masculina ye -e o consonant (este, ese, aquel, él, el), a feminina ye -a (esta, esa, aquella, la, ella) y lo neutro ye -o (esto, eso, aquello, lo, ello, algo, todo, cuanto, tanto).

Como os adchectivos no tienen formas especificas o terminacions ta lo chenero neutro, a forma en que deben concordarse con ellos no difiere d'a masculina. Eixemplos: lo malo; algo bueno; esto es verdadero.

O chenero gramatical en aragonés y atras luengas romances
O chenero gramatical en galaicoportugués | o chenero gramatical en astur-leyonés | o chenero gramatical en castellano | o chenero gramatical en aragonés | o chenero gramatical en catalán | o chenero gramatical en occitán | o chenero gramatical en francés | o chenero gramatical en italiano | o chenero gramatical en rumano

• Datos: Q162378