Río Flumen

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Flumen
Administración
Estaus	{{{estaus}}}
Territorios	Aragón
Cheografía
Longaria	120,40 km
Altaria d'o naixedero	1.400 m
Naixedero	Sierra de Bonés
Desembocadura	Río Isuela
Hidrolochía
Superficie d'a cuenca	1.429,60 km²
Cabal meyano	n/d m³/s
Mapa
O Flumen en Aragón

O río Flumen[1] ye un río aragonés, afluent d'a Isuela. Tien o suyo naixedero en a sierra de Bonés, a 1.400 metros d'altaria sobre o livel d'a mar. En os zaguers km de presenta un curso prou paralelo con a Isuela dica recullir-se-ie.

Toponimia

En latín distinguiban entre rivus ("rigachuelo", "arroyo") y flumen/fluvius ("curso important d'augua", "río"), a l'igual que actualment en rumano se diferencia entre râu y fluviu. En latín hispanico rivus desplazó a flumen, durando mes tiempo l'uso de flumen en arias marguinals como l'Alto Aragón. Encara hue en aragonés tensín dicen en sale un flumen dicindo que "en sale muitos". O mesmo río Ebro amaneix como flumen de Ebro en bel documento medieval d'o Monesterio de Rueda escrito en aragonés medieval. Por atra part a fonetica aragonesa, que conserva o grupo fl- (eixemplo clasico de "flama"), permite que a palabra latina se conserve con menor alteración. En a Comunidat de Calatayú bi ha un lugar dito Flumes.

En a toponimia tradicional local se considera que o río Flumen se reculle en a Isuela, manimenos en os mapas oficials feitos dende as institucions consideran que a Isuela un afluent d'o río Flumen, y dende a confluencia d'os dos consideran que ye río Flumen y no río Isuela[2].

Referencias

1. (es) BOA ORDEN VMV/914/2020, de 14 de septiembre, por la que se publica el Acuerdo adoptado por el Gobierno de Aragón, en su reunión celebrada el día 15 de julio de 2020, por el que se aprueban las modificaciones del Nomenclátor Geográfico de Aragón.
2. (an) Francho Rodés, Paquita Maza, Gonzalo Gavín Bocabulario monegrino Publicacions d'o Consello d'a Fabla Aragonesa, 2005, p 121.

Afluents d'o río Isuela
Marguin izquierda Flumen Marguin dreita Valdabra Datos: Q2111062