Buteo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
A parola «esparver» y diferents variants diatopicas d'ixe termino reendrezan ta iste articlo. Ta veyer os diferents usos de lo dito termino se veiga Esparver (desambigación).
Buteo
Buteo
Esparver común (Buteo buteo)
Clasificación scientifica
Dominio: Eukaryota
Reino: Animalia
Filo: Chordata
Clase: Aves
Orden: Accipitriformes
Familia: Accipitridae
Chenero: Buteo
Linnaeus, 1758
Especies
  • Se veiga texto

Buteo ye un chenero d'aus rapinyaderas adintro d'a familia d'as accipitridas. Son de mida meyana y tienen o cuerpo mes robusto que altras especies semellants, con unas alas visiblement robustas. Os miembros de Buteo corresponden con as aus que en Aragón sen gosa decir propiament esparveros u esparvers (d'o franco < *sparwari[1]), anque istes terminos tamién conoixen a sobén un uso erronio aplicando-se a cualsiquier altra au de caracteristicas pareixidas, sobretot de mida.

Bella especie que no ye miembro d'iste chenero recibe ocasionalment o nombre d'«esparver» u «esparves» de boca de personas que no tienen guaire conoiximientos sobre as aus u las trafucan con facilidat d'entre ellas, y per ixo ye un fenomeno común que se les entivoque en o vocabulario popular. Cualques especies que a sobén se i confunden anque no son pas miembros son os azors (especie que tamién de diz erroniament «esparvero gran»[2] y «esparvero perdiguero»[2]) y Accipiter nisus (que recibe o nombre d'«esparveret»[2] u «esparvero chico»[2]), ocasionalment falcons (d'o chenero Falco; p. ex. Falco tinnunculus[2][3]) y alforochos (d'o chenero Milvus[2]). En cheneral, toz ixes casos admiten bella forma de destinción, meyante un alchectivo u bella forma apreciativa (terminación en -et).

Especies d'o chenero Buteo

Imáchens

Referencias

  1. ↑ (es) Ana Leiva Vicén:Léxico aragonés de Antillón (Huesca). Análisis lingüístico (I). Alazet: Revista de Filología Nº 15, 2003, pp. 65-151, ISSN 0214-7602
  2. ↑ 2,0 2,1 2,2 2,3 2,4 2,5 (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza 2004. ISBN 978-84-89862-35-7
  3. ↑ BLASCO ZUMETA, Javier, Guía de Aves de las Cinco Villas; Ed. ADEFO (Asociación para el desarrollo y fomento de las Cinco Villas), Exeya d'os Caballers, 2009. ISBN 978-84-8321-971-3

Vinclos externos