|
نسیم حجازی
نسیم حجازی اردو دے مشہور ناول لکھاری تے ادیب سن۔ اوناں دی لکھتاں وچ زیادہ تر اسلامی، تریخی ناول شامل نیں جناں چ اصلاح دا اثر بوہتا اے۔ ایناں دا اصلی ناں 'شریف حسین' سی اُتے او اپنےقلمی ناں 'نسیم حجازی' توں ای لکھدے سن تے ایس ناں نال ای مشہور سن۔
حالات زندگیانہاں دا اصل ناں شریف حسین سی لیکن اوہ زیادہ تر اپنے قلمی ناں "نسیم حجازی" توں معروف نیں۔ اوہ تقسیم ہند توں پہلے برطانوی پنجاب دے ضلع گرداسپور وچ 1914ء وچ پیدا ہوئے۔ برطانوی راج توں آزادی دے وقت انہاں دا خاندان ہجرت کر کے پاکستان آگیا تے باقی دی زندگی انہاں نے پاکستان وچ گزاری۔ اوہ مارچ 1996ء وچ اس جہان فانی توں کوچ کر گئے۔ انہاں دے ناول مسلماناں دے عروج و زوال دی تریخ اُتے مبنی نیں جنہاں نے اردو خواں طبقے دیاں کئی نسلاں اُتے اپنے اثرات چھڈے نیں۔ اوہ صرف تاریخی واقعات بیان کر دے نئیں رہ جاندے بلکہ حالات دی ایسی منظر کشی کر دے نیں کہ قاری خود نوں کہانی دا حصہ محسوس کرن لگدا اے تے ناول دے کرداراں دے مکالمیاں توں براہ راست اثر لیندا اے۔ عملی زندگی دا آغازنسیم حجازی نے اپنی عملی زندگی دا آغاز صحافت دے شعبے توں کیتا تے ہفت روزہ تنظیم کوئٹہ،روزنامہ حیات کراچی، روزنامہ زمانہ کراچی، روزنامہ تعمیر راولپنڈی تے روزنامہ کوہستان راولپنڈی توں وابستہ رہے۔ انہاں نے بلوچستان تے شمالی سندھ وچ تحریک پاکستان نوں مقبول عام بنانے وچ تحریری جہاد کیتا تے بلوچستان نوں پاکستان دا حصہ بنانے وچ فعال کردار ادا کیتا۔ نسیم حجازی دی اصل وجہ شہرت انہاں دی تاریخی ناول نگاری اے جن وچ داستان مجاہد، انسان تے دیوندا، محمد بن قاسم، آخری چٹان، شاہین، خاک تے خون، یوسف بن تاشقین، آخری معرکہ، معظم علی تے تلوار ٹٹ گئی، قیصر و کسریٰ، قافلہ حجاز تے اندھیری رات دے مسافر دے ناں شامل نیں۔ اس دے علاوہ انہاں نے طنز و مزاح دے موضوع اُتے پورس دے ہاتھی، ثقافت دی تلاش، سفید جزیدہ تے سوسال بعد نامی کتاباں وی تحریر کیتیاں۔ انہاں دا اک سفر نامہ پاکستان توں دیار حرم تک وی اشاعت پزیر ہوچکیا اے۔ نسیم حجازی دی لکھتاں دا کئی زباناں وچ ترجمہ ہویا تے انہاں اُتے آخری چٹان تے شاہین نامی دو ڈراما سیریل وی نشر ہوئے جدونکہ انہاں دے اک تے ناول خاک تے خون اُتے فلم وی بنائی گئی۔ نسیم حجازی دیاں لکھتاں
رابطےنسیم حجاری دے ناولاں اُتے پی ایچ ڈی دا اک مقالہ Archived 2011-05-22 at the وے بیک مشین
ہور ویکھو |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Portal di Ensiklopedia Dunia
