سنت سنگھ سیکھوں (30 مئی 1908-7 اکتوبر 1997) پنجابی دے اک ناٹک کار، فکشن رائٹر (گلپ-لکھاری) اتے کھوجی تنقید نگار سن۔
مڈھلی زندگی
سنت سنگھ سیکھوں دا جم سردار حکم سنگھ دے گھر چکّ نمبر 70 فیصل آباد ضلع (لائلپور) پاکستان چ ہویا۔ بیر خالصہ ہائی سکول وچوں دسویں پاس کرکے اچیری سکھیا لئی اوہ ایف. سی. کالج لاہور وچ داخل ہو گئے۔ پھر اوہناں انگریزی اتے اقتصادیات وچ پوسٹ-گریجوئیشن کیتی۔ سٹوڈنٹ جیون چ ہی اوہناں دا ویاہ، 1928 وچ، بیبی گرچرن کور نال ہو گیا، جس توں اوہناں دے گھر چار کڑیاں اتے اک منڈا جمے۔ سیکھوں نے 1931 توں 1951 تکّ لگبھگ 20 سال خالصہ کالج امرتسر چ انگریزی دے استاد رہے ۔ اسے دوران 1937 توں 1940 تکّ اس نے 'ناردرن ریویو' ناں دا انگریزی ہفتہ وار وی سفلتا نال جاری رکھیا۔ 1953 توں 1961 تکّ اوہ گورو ہرگوبند خالصہ کالج گروسر سدھار (لدھیانہ) چ انگریزی دا لکچرار رہا۔ پچھوں کجھ چر اس نے پرنسیپلی وی کیتی۔
ساہتک جیون
سنت سنگھ سیکھوں نے لکھن دی شروعات انگریزی بولی توں کیتی پر پرنسپل تیجا سنگھ دے کہن اتے اس نے پنجابی وچ لکھنا شروع کر دتا۔ اس دیاں ساہتک کرتاں دی سوچی (لسٹ) بہت لمی اے، جنہاں وچّ ناٹک (ڈرامہ)، اکانگی، کہانیاں، ناول، کویتا(شاعری)، نبندھ، آلوچنا(تنقید)، سویجیونی (سوانح عمری)اتے ترجمہ وغیرہ شامل نیں۔ سکول توں لے کے یونیورسٹی پدھر دیاں پڑھائی کتاباں چ اس دیاں رچناواں پڑھیاں-پڑھائیاں جاندیاں نیں۔
سادھارن منکھ دی سدھارنتا ن پیمی دے نیانے، اک یودھے دا چلانا، مڑ ودھوا، مینہہ جاوو ہنیری جاوو ورگیاں رچناواں نوں پنجابی کہانی 'چ کلاسک ہون دا مان حاصل اے۔
اس دا ناول 'لہو مٹی' درمیانے طبقے دے پنجابی کسانی ٹبر دے سنگھرشی (جدوجہد) جیون دی دستاویز اے۔
