Danaw Leonard

Danaw Leonard
Danaw Leonard Lokasion iti kaunegan ti Mindanao Ipakita ti mapa ti Mindanao Danaw Leonard Danaw Leonard (Filipinas) Ipakita ti mapa ti Filipinas
Lokasion	Davao de Oro, Mindanao
Nagsasabtan	7°23′48″N 126°3′36″ENagsasabtan: 7°23′48″N 126°3′36″E
Kita ti danaw	abut ti bulkan a danaw
Kangrunaan a sumrekan	panagtudtudo laeng
Kangrunaan a rummuaran	tributario ti Karayan Hijo
Pagpagilian ti labneng	Filipinas
Kadakkelan a kaatiddog	1.8 kilometro (1.1 mi)
Kadakkelan a kaakaba	0.79 kilometro (0.49 mi)
Kalawa ti rabaw	6 ha (15 acre)
Kangato ti rabaw	800 m (2,600 ft)

Ti Danaw Leonard ket bassit a nasadiwa a danum nga abut ti bulkan a danaw idiay Bantay Leonard (ammo pay a kas ti Leonard Kniaseff), ket maysa nga kompleks ti andesitiko-aginggana ti-dasitiko nga estratobulkan iti Kabambantayan ti Leonard a mabirukan iti 60 km nga amianan a daya ti Siudad ti Davao, Probinsia ti Davao del Norte, Filipinas.

Taudan

Ti bulkaniko nga aktibidad ket nangrugi idi 1.1 a tawtawen ti napalabas iti lugar ken dagiti serye dagiti simborio ti lava iti rehion a nangpalikmut ti danaw ket napartuat idi agarup a 290,000 a tawtawen ti napalabas. Maysa kadagiti kadakkelan kadagitoy a simborio ket narebba ken nangibati iti kaldera a napunno ti danum kalpasan kadagiti napalabas a panawen ken nangbaliw iti nasadiwa a danum a makapabael a mangsuporta iti biag. Dagiti solpatara a rimmuar iti abagatan a laud a ngarab ket nangipakpakita a ti uneg ti daytoy a danaw ket ti matmaturog nga aktibo a bulkan. Dagiti aktibo a solpatara, pumarola, ken dagiti napudot nga ubbog ket mabirukan pay iti termal a lugar ti Amacan-Gopod iti abagatan ti danaw. Ti termal a lugar ti Manat ket mabirukan iti amianan ti Danaw Leonard.

Dagiti singsingaen ken dagiti pangta

Ti igid ti danaw ket nakaro a nalan-akan a kas resulta dagiti aktibidad ti tao kadagiti akin-ngato a bakras iti taudan ti danum, a naisangsangayan kadagiti panagaramid ti kalsada, panagbalbaliw ti agrikultura ken panagtarikayo. Dagiti panangibelleng kadagiti rugit ti mina ket addaan iti dagus a nakaro nga impakto kadagiti rekurso ti danaw. Ti populasion ti buaya ti Filipinas (Crocodylus mindorensis) iti daytoy a danaw ket naisagmak gapu kadagiti agdama a nakaro a nga aktibidad ti tao; dagiti nangruna a pangta kadagiti sebbangan ket mapardasan gapu ti pannakalan-ak ti danaw, dagiti maiparparit a panaganup, dagiti rugit ti pestisidio ken dagiti pannakadadael ti natural a mulmula iti igid ti danaw.

Dagiti nagibasaran

• Datos ti Danaw Leonard
• "Leonard Range". Programa ti Global a Bulkanismo (iti Ingles). Instituto ti Smithsoniano.