ilo Danaw Buhi

Danaw Buhi
Danaw Buhi
	Ti danaw ken ti Bantay Iriga iti likudan
	Danaw Buhi Lokasion iti kaunegan ti Filipinas
Lokasion	Peninsula ti Bicol
Nagsasabtan	13°27′00″N 123°31′00″E / 13.45000°N 123.51667°ENagsasabtan: 13°27′00″N 123°31′00″E / 13.45000°N 123.51667°E
Kita	Nasadiwa a danum
Kangrunaan a sumrekan	Karayan Buhi; Karayan Iriga;
Kangrunaan a rummuaran	Karayan Tabao
Pagpagilian ti labneng	Filipinas
Kalawa ti rabaw	1,707 ha (17.07 km2)
Agpakatengnga a kaadalem	8 m (26.25 ft)
Kaadaleman	12 m (39.37 ft)
Kangato ti rabaw	120 m (393.70 ft)
Dagiti pagtaengan	Buhi

Ti Danaw Buhi ket ti maysa a danaw a mabirukan iti Buhi, Camarines Sur iti Filipinas. Daytoy ket addaan iti kalawa iti 18 kuadrado kilometro (6.9 kuadrado milia) ken addaan iti maysa a pagtengngaan a kaadalem iti 8 metro (26 ft). Mabirukan ti danaw iti tanap a binukel babaen dagiti dua a taga-ugma a bulkan, ti Bantay Iriga (ammo pay a kas Bantay Asog) ken Bantay Malinao. Napartuat daytoy idi 1641, idi ti maysa a gingined ket nagpataud a nangrebba ti sikigan ti Bantay Asog. Ti nagresultaan a guedday ket nagpartuat iti masna a penned a naglapped iti ayus dagiti kaariping.^[1] Mangisingasing pay ti sabali a teoria a daytoy ket pinartuat babaen ti panagbettak ti Bantay Asog, nga itan ket maysa a malmalmeng a bulkan.

Nadayeg ti danaw gapu ta daytoy ket maysa kadagiti bassit a bagi ti danum nga aglaon iti sinarapan (Mistichthys luzonensis) ti kabassitan a komersial a kinalkalap nga ikan iti lubong.^[1]

Malaksid iti sinarapan, ti Danaw Buhi ket pagtaengan pay dagiti sabali nga organismo iti danum a kas ti Irin-irin (Redigobius bikolanus), Dalag (Channa striata), Puyo (Anabas testudineus), Kotnag (Hemiramphus sp.), Burirawan (Strophidon sathete) ken ti patneng a paltat (Clarias sp.). Dagiti sabali nga ikan a naipayammo tapno mapasayaat ti industria iti panagkalap a kas ti tilapia ti Nilo (Oreochromis niloticus), tilapia ti Mozambique (Oreochromis mossambicus), kadawyan a karpa (Cyprinus carpio) ken ti hito ti Bangkok (Clarias sp.).

Ti bakir a mangpalikmut iti danaw ket pagtaengan dagiti sabali a basbassit a 25 a sebbangan ti billit. Dagiti lima nga endemiko a sebbangan ket ti Philippine pygmy woodpecker, Philippine hanging parrot, black-naped monarch, elegant tit ken ti white-eared brown dove. Dagiti sabali pay a fauna a mabirukan iti bakir ket dagiti agtaytayab nga alutiit (Draco sp.), dagiti skink, dagiti monitor nga alutiit (Varanus marmoratus), dagiti civet, dagiti kurarapnit ken ti Philippine Cynomolgus monkey (Macaca fascicularis).^[2]

Ita nga aldaw ti danaw ket ti kangruanaan a taudan ti paay ti danum para iti Planta ti Hidroelektriko ti National Power Corporation. Ti planta ti koriente, a napundar idi 1952, ket agpataud iti maysa nga agpatengnga a 2.8 megawatt. Daytoy ket inus-usar pay ti National Irrigation Administration a mangsibog iti saan a basbassit a 100 kuadrado kilometro (39 kuadrado milia) kadagiti ili ti Riconada a mabirukan iti salog ken ti Siudad ti Iriga.^[3]