|
নগেন বৰা
নগেন বৰা (ইংৰাজী: Nagen Borah) অসমৰ এগৰাকী সাহিত্যিক, গীতিকাৰ, সুৰকাৰ, অভিনেতা, ব্যংগ লেখক আৰু সাংবাদিক। তেওঁ তিনি সহস্ৰাধিক গীত ৰচনা কৰাৰ লগতে কেইবাখনো গ্ৰন্থ ৰচনা কৰি গৈছে। তেওঁ শ্ৰীমন্ত শংকৰদেৱ সংঘৰ শংকৰী সংস্কৃতি গৱেষণা পৰিষদৰ প্ৰাক্তন সদস্য, যোৰহাট জিলা সাহিত্য সভাৰ (২০০৯-২০১০) বৰ্ষৰ সভাপতি, যোৰহাট কবি সন্মিলনৰ প্ৰাক্তন উপ-সভাপতি, ভাৰতীয় গণনাট্য সংঘৰ যোৰহাট শাখাৰ প্ৰাক্তন উপ-সভাপতি, যোৰহাট জিলা সাহিত্য সভাৰ প্ৰাক্তন আমন্ত্ৰিত সদস্য, যোৰহাট সংগীত শিল্পী সংস্থাৰ কাৰ্যকৰী সভাপতি, তৰাজান সাহিত্য সভাৰ উপ-সভাপতি আদি বিভিন্ন অনুস্থানৰ পদত কাৰ্যনিৰ্বাহ কৰিছিল।[1][2][3] জন্মনগেন বৰাৰ ১৯৪৭ চনৰ ৭ এপ্ৰিল তাৰিখে গোলাঘাট জিলাৰ কুৰুৱাবাহী সত্ৰত জন্ম হৈছিল। তেওঁৰ পিতৃ আছিল প্ৰয়াত জাতিৰাম বৰা আৰু মাতৃ প্ৰয়াত আইতা বৰা। শিক্ষা জীৱননগেন বৰাই কুৰুৱাবাহী সত্ৰৰ প্ৰাথমিক বিদ্যালয়তে প্ৰাথমিক শিক্ষা গ্ৰহণ কৰাৰ পিছত বোকাখাত, মৰঙী, গোলাঘাট আৰু নগাঁৱত পৰৱৰ্তী পৰ্যায়ৰ শিক্ষা গ্ৰহণ কৰে। কৰ্মজীৱনএজন প্ৰতিষ্ঠিত কবি, সুৰকাৰ, গল্পকাৰ, হাস্য-ব্যংগ লেখক, অভিনেতা, শিশু অভিনেতা, সাংবাদিক বৰাই ১৯৬৭ চনত আকাশবাণী গুৱাহাটী কেন্দ্ৰৰ পৰা গীতিকাৰ হিচাপে স্বীকৃতি লাভ কৰে। গীতিকাৰ হিচাপে প্ৰখ্যাত হ'লেও তেওঁ পেশাগত ভাৱে আছিল এজন সাংবাদিক। দৈনিক জনমভূমি কাকতৰ বাৰ্তা সম্পাদক হিচাপে কিছুকাল কাৰ্যনিৰ্বাহ কৰাৰ পিছত তেওঁ অজিত ভূঞাৰ সম্পাদনাত প্ৰকাশ পোৱা আজি কাকতৰ শিৱসাগৰ সংস্কৰণৰ আৱাসিক সম্পাদক হিচাপে কাৰ্যনিৰ্বাহ কৰিছিল। তদুপৰি আমি আৰু সাপ্তাহিক গণতন্ত্ৰ কাকততো তেওঁ সেৱা আগবঢ়াইছিল।[1] উল্লেখনীয় কৰ্মৰাজিপ্ৰকাশিত পুথিসমূহ
নগেন বৰাৰ সম্পাদনাত প্ৰকাশিত সম্ভাৰ:
নগেন বৰাৰ দ্বাৰা ৰচিত কেইটিমান প্ৰখ্যাত গীত:
সামাজিক-সাংস্কৃতিক দিশত জড়িত অনুষ্ঠান সমূহনগেন বৰা শ্ৰীমন্ত শংকৰদেৱ সংঘৰ শংকৰী সংস্কৃতি গৱেষণা পৰিষদৰ প্ৰাক্তন সদস্য, যোৰহাট জিলা সাহিত্য সভাৰ (২০০৯-২০১০) বৰ্ষৰ সভাপতি, যোৰহাট কবি সন্মিলনৰ প্ৰাক্তন উপ-সভাপতি, ভাৰতীয় গণনাট্য সংঘৰ যোৰহাট শাখাৰ প্ৰাক্তন উপ-সভাপতি, যোৰহাট জিলা সাহিত্য সভাৰ প্ৰাক্তন আমন্ত্ৰিত সদস্য, যোৰহাট সংগীত শিল্পী সংস্থাৰ কাৰ্যকৰী সভাপতি, তৰাজান সাহিত্য সভাৰ উপ-সভাপতি আদি বিভিন্ন অনুস্থানৰ পদত কাৰ্যনিৰ্বাহ কৰিছিল। তদুপৰি তেওঁ অসম সাহিত্য সভাৰ চাপৰ অধিবেশনৰ সাংস্কৃতিক সন্মিলনৰ উদ্বোধক, অসম সাহিত্য সভাৰ বোকাখাত অধিবেশনৰ "অসমীয়া গীতি সাহিত্য" শীৰ্ষক আলোচনা চক্ৰৰ মূখ্য আলোচক, শ্ৰীমন্ত শংকৰদেৱ সংঘৰ দদৰা অধিবেশনৰ সাংস্কৃতিক অধিবেশনৰ উদ্বোধক আছিল। বঁটা সন্মান আদিনগেন বৰাৰ অসমৰ সাহিত্য জগতলৈ অৱদানৰ চিনস্বৰূপে অসম চৰকাৰে তেওঁক ১৯৯৯ চনত সাহিত্যক পেঞ্চন প্ৰদান কৰে। ২০১১ চনত সাংস্কৃতিক সংঘ, অসমৰ তৰফৰ পৰা তেওঁক গীতিৰত্ন উপাধি প্ৰদান কৰা হৈছিল। ২০০৫ চনত যোৰহাটত সদৌ অসম ভিত্তিত নগেন বৰাৰ গীতৰ প্ৰতিযোগিতাও অনুষ্ঠিত হৈছিল। দেহাৱসান২০১৩ চনৰ ২৬ এপ্ৰিল তাৰিখে নগেন বৰা এক পথ দূৰ্ঘটনাত পতিত হৈ গুৰুতৰভাৱে আঘাতপ্ৰাপ্ত হয়। দীৰ্ঘদিন ধৰি ডিব্ৰুগড় আৰু যোৰহাটৰ চিকিৎসালয়ত চিকিৎসাধীন হৈ থকাৰ পিছত যোৰহাটৰ মিছন চিকিৎসালয়ত একে বছৰৰে ১১ জুন তাৰিখে তেওঁৰ মৃত্যু হয়।[1] ব্যক্তিগত জীৱনমৃত্যুৰ সময়ত নগেন বৰাই পত্নী আৰু এগৰাকী পুত্ৰক এৰি থৈ গৈছে। তথ্য সংগ্ৰহ
বাহ্যিক সংযোগ
|
||||||||||||||||||||||
