|
অসম অভিযান্ত্ৰিক মহাবিদ্যালয়
অৱস্থানঅসম অভিযান্ত্ৰিক মহাবিদ্যালয় অসমৰ গুৱাহাটীৰ দক্ষিণ-পশ্চিম দিশৰ জালুকবাৰীত অৱস্থিত। মহাবিদ্যালয়খনৰ উত্তৰে গুৱাহাটী বিশ্ববিদ্যালয়, দক্ষিণে দীপৰ বিল, পূবে গৱৰ্ণমেণ্ট আয়ুৰ্বেদিক কলেজ আৰু পশ্চিমে অসম পুলিচ ৰেডিঅ' অ'ৰগেনাইজেশ্বন অৱস্থিত। গুৱাহাটী ৰেল ষ্টেছনৰ পৰা মহাবিদ্যালয়ৰ চৌহদলৈ প্ৰায় ৯ কিঃমিঃ, আন্তঃৰাজ্যিক বাছ আস্থানৰ পৰা ৫ কিঃমিঃ আৰু লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমানবন্দৰ, বৰঝাৰৰ পৰা প্ৰায় ৮ কিঃমিঃ[1]। ছাত্ৰাবাসমহাবিদ্যালয়ত ৭টা ল'ৰাৰ, ১টা ছোৱালীৰ আৰু এটা স্নাতকোত্তৰ শিক্ষাৰ্থীৰ বাবে হোষ্টেল আছে। প্ৰত্যেক ছাত্ৰাবাসত এজনকৈ শিক্ষক পৰিদৰ্শক আছে। প্ৰত্যেক ছাত্ৰাবাসত মেচ, কমনৰূম আদি সুবিধাসমূহ আছে। ছাত্ৰাবাসসমূহৰ নিজৰ নিজৰ পুথিভঁৰাল, অধ্যয়নকক্ষ আৰু জীমনেচীয়াম আছে। ছাত্ৰাবাস সমূহ নিজৰ নিজৰ হোষ্টেল কমিটিয়ে পৰিচালনা কৰে।  বিভাগসমূহ
মাষ্টাৰছ অফ কম্পিউটাৰ এপ্লিকেছনছ বিভাগ১৯৯০ চনত এই বিভাগটো স্থাপন কৰা হয়। এই বিভাগটোৱে তিনি বছৰীয়া এম.চি.এ. পাঠ্যক্ৰম প্ৰদান কৰে। বাৰ্ষিক ৩০ জন ছাত্ৰ-ছাত্ৰীয়ে এই বিভাগত নামভৰ্তি কৰাৰ সুযোগ পায়। এই বিভাগটোৰ ছাত্ৰ-ছাত্ৰী আৰু শিক্ষক সকলৰ অনুপাত হৈছে ৩:১। এই বিভাগটোত Pentium, AMD workstations, servers সৈতে তিনিটাকৈ উন্নত মানদণ্ডৰ প্ৰয়োগশালা আছে। এইসমূহ WindowsNT, লিনাক্স, UNIX সহায়ত C, C++, C#, VB, Java, ASP.NET, Oracle, Shell programming ৰ বাবে ব্যৱহাৰ কৰা হয়। ইয়াত দ্ৰুত গতিৰ ইণ্টাৰনেট সংযোগ কৰা হৈছে। যান্ত্ৰিক অভিযান্ত্ৰিকী বিভাগ১৯৫৭ চনত যান্ত্ৰিক অভিযান্ত্ৰিকী বিভাগটো ইয়াত স্থাপন কৰা হৈছিল। এই বিভাগটো মহাবিদ্যালয়খনৰ আটাইতকৈ পুৰণি বিভাগ সমূহৰ মাজত অন্যতম। বাৰ্ষিক ৯০ জন ছাত্ৰ-ছাত্ৰীয়ে এই বিভাগত নামভৰ্তি কৰাৰ সুবিধা লাভ কৰে। এই বিভাগটোৰ ছাত্ৰ-ছাত্ৰী আৰু শিক্ষক সকলৰ অনুপাত হৈছে ৫:২। এই বিভাগটোৱে মেকানিকেল বিভাগত চাৰি বছৰীয়া বি.ই. ডিগ্ৰীৰ পাঠ্যক্ৰম প্ৰদান কৰে। এই বিভাগটোৰ নিজা প্ৰয়োগশালা আৰু পুথিভঁৰাল আছে। বহু অভিজ্ঞ শিক্ষকবৃন্দৰ প্ৰচেষ্টাত বহুতো সুদক্ষ মেকানিকেল অভিযন্তা ইয়াৰপৰা উত্তীৰ্ণ হৈ বিভিন্ন ঠাইত সংস্থাপন লাভ কৰিছে। অসামৰিক অভিযান্ত্ৰিকী বিভাগ১৯৫৬ চনত অসামৰিক অভিযান্ত্ৰিকী বিভাগটো স্থাপন কৰা হয়। এই বিভাগটোৱেই হৈছে মহাবিদ্যালয়খনৰ স্থাপিত হোৱা প্ৰথম বিভাগ। বহু অভিজ্ঞ শিক্ষকবৃন্দ আৰু উন্নত মানৰ প্ৰয়োগশালা এই বিভাগটোত আছে। এই বিভাগটোৰ ছাত্ৰ-ছাত্ৰী আৰু শিক্ষক সকলৰ অনুপাত হৈছে ৩:১। এই বিভাগত বাৰ্ষিক ৯০ জন ছাত্ৰ-ছাত্ৰীয়ে বি.ই. ডিগ্ৰী পাঠ্যক্ৰম আৰু ২৫ জন ছাত্ৰ-ছাত্ৰীয়ে এম.ই. ডিগ্ৰীৰ পাঠ্যক্ৰমত নামভৰ্তি কৰাৰ সুবিধা লাভ কৰে। ইয়াৰ উপৰিও এই বিভাগটোৱে Soil Mechanics and Hydraulicsত পি.এইচ.ডি ডিগ্ৰী প্ৰদান কৰে। বৈদ্যুতিক অভিযান্ত্ৰিকী বিভাগ১৯৫৭ চনত বৈদ্যুতিক অভিযান্ত্ৰিক বিভাগটো দ্বিতীয়তো বিভাগ হিচাবে স্থাপন কৰা হয়। বাৰ্ষিক ৯০ জন ছাত্ৰ-ছাত্ৰীয়ে এই বিভাগত নামভৰ্তি কৰাৰ সুবিধা লাভ কৰে। এই বিভাগটোৰ ছাত্ৰ-ছাত্ৰী আৰু শিক্ষক সকলৰ অনুপাত হৈছে ৫:১। এই বিভাগটোৱে ইলেকট্ৰিকেল বিভাগত চাৰি বছৰীয়া বি.ই. ডিগ্ৰীৰ পাঠ্যক্ৰম প্ৰদান কৰে। এই বিভাগটোৱে পাৱাৰ ছিষ্টেম (power system)ত স্নাতকোত্তৰ ডিগ্ৰীও প্ৰদান কৰে। এই বিভাগটোত গৱেষণাৰ বাবে সা-সুবিধা প্ৰদান কৰা হয়। ১৯৮৪ চনত সূক্ষ্ম-বিদ্যুত আৰু দূৰ-সংযোগ অভিযান্ত্ৰিকী বিভাগটো স্থাপন কৰা হয়। এই বিভাগটোৱে কিংকৰণীয় আৰু দুৰসংযোগ অভিযান্ত্ৰিক বিভাগত চাৰি বছৰীয়া বি.ই. ডিগ্ৰীৰ পাঠ্যক্ৰম প্ৰদান কৰে। অসম চৰকাৰ ৰ অধীনত এই বিভাগৰ পাঠ্যক্ৰ্ম প্ৰ্দান কৰা এইখনেই একমাত্ৰ মহাবিদ্যালয়। বাৰ্ষিক ৬০ জন ছাত্ৰ-ছাত্ৰীয়ে এই বিভাগত নামভৰ্তি কৰাৰ সুবিধা লাভ কৰে আৰু অভিজ্ঞ শিক্ষকবৃন্দৰ সহায়ত পাঠদান কৰোৱা হয়। এই বিভাগটোৰ ছাত্ৰ-ছাত্ৰী আৰু শিক্ষক সকলৰ অনুপাত হৈছে ৫:১। এই বিভাগটোৰ পাঠ্যক্ৰ্ম ত উল্লেখনীয় তথা নতুন নতুন অধ্যায়ৰ পৰিসৰ সামৰি লোৱা হৈছে। প্ৰতি বছৰে মেধাৱী ছাত্ৰ্-ছাত্ৰী সকলে এই বিভাগটোত নিজে সুমাবলৈ হেঁপাহ কৰা দেখা যায়। এই বিভাগ টোৱে ছাত্ৰ-ছাত্ৰী সকলক hardware আৰু software দুয়োধৰণে উপযুক্ত কৰি তোলে। এই বিভাগ টোৰ laboratories সমূহ হৈছে -circuit & device lab,digital electronics lab,analog communication lab,digital communication lab,advanced communication lab,microprocessor lab,microwave engineering lab,computer lab,image processing lab. ভাৰতৰ উল্লেখনীয় অনুষ্ঠান তথা কোমপানী সমূহ্ত এই বিভাগ ৰ ছাত্ৰ-ছাত্ৰী সকলে নিজৰ স্থান পাই এই মহাবিদ্যালয়লৈ গৌৰৱ বুটলি আনিছে। এই অনুষ্ঠান সমূহ হৈছে-Centre for Development of Advanced Computing,Wipro GE,Hindustan Computers Ltd.,Infosys Technologies Ltd.,Oil India Ltd.,Oil and Natural Gas Corporation,India Satcom Ltd.,Reliance Telecom,Bhaba Atomic Research Centre,Power Grid Corporation,Indian Air Force. ১৯৯৮ চনৰ ২৫ আগষ্টত কম্পিউটাৰ বিজ্ঞান অভিযান্ত্ৰিকী বিভাগটো স্থাপন কৰা হয়। বৰ্তমান, ইলেকট্ৰনিকছ এণ্ড টেলিকমিউনিকেশ্বন ইঞ্জিনিয়াৰিং বিভাগ বিভাগৰ লগত এই বিভাগটো সংলগ্ন কৰা হৈছে। এই বিভাগটোৱে কম্পিউটাৰ চায়েঞ্চ এণ্ড ইঞ্জিনিয়াৰিং বিভাগত চাৰি বছৰীয়া (আঠটা ষান্মাষিক) বি.ই. ডিগ্ৰীৰ পাঠ্যক্ৰম প্ৰদান কৰে।  ৰাসায়নিক অভিযান্ত্ৰিকী বিভাগ১৯৬৩ চনত ৰাসায়নিক অভিযান্ত্ৰিকী বিভাগটো স্থাপন কৰা হয়। বাৰ্ষিক ৬৬ জন ছাত্ৰ-ছাত্ৰীয়ে এই বিভাগত নামভৰ্তি কৰাৰ সুবিধা লাভ কৰে। এই বিভাগটো সাধাৰণতে গৱেষণা সম্বন্ধীয় কামত ব্যৱহাৰ কৰা হয়। লগতে পি.এইচ.ডি ডিগ্ৰীও প্ৰদান কৰা হয়। এই বিভাগটোৱে ৰাসায়নিক অভিযান্ত্ৰিকী বিভাগত চাৰি বছৰীয়া বি.ই. ডিগ্ৰীৰ পাঠ্যক্ৰম প্ৰদান কৰে। এই বিভাগৰ মুখ্য বিষয় সমূহ হৈছে Process Calculation, Chemical Technology, Chemical Engineering Thermodynamics, Mass Transfer Operations, Heat Transfer Operations, Chemical Reaction Engineering, Process Dynamics & Control, Petroleum Refinery Engineering & Petrochemicals, Process Equipment Design & Drawing, Fluid Flow Operation, Transport Phenomenon, Process Utilities, Process Instrumentation। ইণ্ডাচট্ৰিয়েল এণ্ড প্ৰডাকচন ইঞ্জিনিয়াৰিং বিভাগঅসমৰ তেল উৎপাদন খণ্ডত প্ৰডাকচন অভিযন্তাৰ চাহিদা বঢ়াৰ কাৰণে ১৯৯৮ চনত ইণ্ডাচট্ৰিয়েল এণ্ড প্ৰডাকচন ইঞ্জিনিয়াৰিংবিভাগটো স্থাপন কৰা হয়। ২০০১ চনত AICTEয়ে এই বিভাগটোক স্বীকৃতি প্ৰদান কৰে। ইনষ্ট্ৰুমেণ্টেশ্বন ইঞ্জিনিয়াৰিং বিভাগ১৯৯৮ চনত ইয়াত ইনষ্ট্ৰুমেণ্টেশ্বন ইঞ্জিনিয়াৰিং বিভাগটো স্থাপন কৰা হয়। ২০০১ চনত AICTEয়ে এই বিভাগটোক স্বীকৃতি প্ৰদান কৰে। বাৰ্ষিক ২০ জন ছাত্ৰ-ছাত্ৰীয়ে এই বিভাগত নামভৰ্তি কৰাৰ সুবিধা লাভ কৰে। নেচনেল কেডেট ক’ৰ্পছ, ৩০ অসম ইঞ্জিনিয়াৰিং কম্পেনীঅসম অভিযান্ত্ৰিক মহাবিদ্যালয়ৰ এনচিচি বাহিনী হৈছে ৩০ অসম ইঞ্জিনিয়াৰিং কম্পেনীৰ এটা প্ৰধান অংশ। মহাবিদ্যালয়ৰ ষ্টাফচকলৰ মাজত এজন ANO আৰু এজন NCO আছে। ৩০ অসম ইঞ্জিনিয়াৰিং কম্পেনী হৈছে ১ অসম বেটেলীয়ানৰ অধীনৰ এটা বিভাগ। ইয়াৰ এনচিচিৰ কেডেট সকলে নিয়মিতভাৱে সৈন্য বাহিনীৰ পৰা প্ৰশিক্ষণ লোৱাৰ সুবিধা লাভ কৰে। বাৰ্ষিক মহাবিদ্যালয় উৎসৱ: PyrokinesisPyrokinesis, হৈছে অসম অভিযান্ত্ৰিক মহাবিদ্যালয়ত আয়োজিত ৰাষ্ট্ৰীয় পৰ্য্যায়ৰ বাৰ্ষিক প্ৰযুক্তিবিদ্যা আৰু সাংস্কৃতিক উৎসৱ। উত্তৰ-পূৰ্বাঞ্চলৰ প্ৰায়বিলাক শৈক্ষিক প্ৰতিষ্ঠানৰ মাজত এই উৎসৱ জনপ্ৰিয় হৈ উঠিছে আৰু তেওঁলোকে ইয়াত অংশ গ্ৰহণ কৰে। Pyrokinesisৰ অৰ্থ হৈছে বিভিন্ন চিন্তাৰ লগ লাগি এক নতুন চিন্তাৰ উদ্ভৱ হোৱা। তিনিদিন ধৰি মহাবিদ্যালয়ত Pyrokinesisৰ অয়োজন কৰা হয়। ইভেণ্টসমূহTechnokinesis হৈছে এই উৎসৱৰ প্ৰযুক্তিবিদ্যা বিভাগ। ছাত্ৰ-ছাত্ৰী সকলে নিজ নিজ চিন্তা আৰু জ্ঞানৰ ব্যৱহাৰ কৰি প্ৰযুক্তিবিদ্যাৰ ক্ষেত্ৰত নিজৰ প্ৰতিভা দেখুওৱাৰ সুবিধা লাভ কৰে। ইয়াত বিভিন্ন ধৰণৰ আলোচনা চক্ৰ, কৰ্মশালা আদি অনুষ্ঠিত হয়। ইয়াত আয়োজন কৰা বিভিন্ন ইভেণ্ট সমূহৰ নাম হৈছে:
সাংস্কৃতিক বিভাগে ইয়াত বিভিন্ন বেণ্ডৰ মাজত প্ৰতিযোগিতা, স্থানীয় বিদ্যালয় সমূহৰ বিশেষ অনুষ্ঠানৰ আয়োজন কৰে। তথ্যসূত্ৰ
বাহ্যিক সংযোগ
|
||||||||||||||||||||||||
