|
Teixiu adiposo
 O teixiu adiposo ye un teixiu connectivo formau por unas celulas especializadas en acumular lipidos, os adipocitos. Os lipidos acumulaus fan de reserva enerchetica, pero devez pueden fer d'aislant termico y mecanico, protechendo u sostenendo organos internos. As celulas d'o teixiu adiposo son de forma esferica y presentan vesiclas que se pueden plenar de lipidos. En a matriz extracelular bi ha fibras de colacheno y d'elastina. En a especie humana se troba debaixo d'a piel fendo d'aislant termico (paniculo adiposo) y embolicando os rinyons y o corazón fendo de protector mecanico. Forma o miollo osio amariello en os uesos luengos. DenominacionsEn aragonés este teixiu puet recibir as denominacions de graixa,[1] grasa, graso,[2] greix[3], grasera[4]. Manimenos Ballarín da como significau de greixera[5] "abundancia de graixa", en un eixemplo que manimenos fa referencia a teixiu adiposo (Tenibe una greixera que le cubribe els rinyons). Bi ha alimentos que consisten en o teixiu adiposo tallau tal y quiento (blanco, sebo), u derivaus d'o teixiu adiposo poco tractau (redetiu). Deseparar a grasera d'a carne se diz en chistabín espechicar.[6] Tipos de teixiu adiposoLo teixiu adiposo blanco ye formau por adipocitos de mida gran con una sola gota de grasa en lo citoplasma. Forma lo paniculo adiposo baixo la piel. Lo teixiu adiposo pardo ye formau por adipocitos de mida chica con muitas gotas de grasa y mitocondrias en lo citoplasma. Tiene como función la termochenesi. Referencias
Bibliografía
|
Portal di Ensiklopedia Dunia
