Sinclinal pendiu

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Castiello d'Acher, sinclinal pendiu de la Val d'Echo.

Un sinclinal pendiu ye un tipo de releu invertiu caracterizau por un plego sinclinal a una altaria mayor que los plegos anticlinals complementarios, que han estau muit desfeitos por una erosión que ha feito desapareixer estratos u formacions estratigraficas que encara persisten en lo sinclinal. Los anticlinals complementarios d'un sinclinal pendiu pueden convertir-se en vals.

La formación d'un sinclinal pendiu viene afavorida por livels de roca tova de gran potencia en relación a un livel superior de muita menor potencia, lo que afavoreix la erosión.

Muelas

Ta más detalles, veyer l'articlo Muela (cheomorfolochía)veyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Envista de la Muela de Monchén con Cantaviella debant.

En materials mesozoicos de lo Sistema Iberico liucherament plegaus bi ha muelas con cabalto concavo que se relacionan con sinclinals pendius. Cuasi todas estas muelas con cabalto plegau s'han feito en materials cretacios, manimenos la Muela de Fridas s'ha feito en materials churasicos.

• La Muela (Alfama d'Aragón).[1]
• Muela de Camariellas.[2]
• Muela d'el Col.[3]
• Muela d'Exorcas.[4]
• Muela de Fababuix.[5].
• Muela de Fridas.[5]
• Muela de Gúdar.
• Muela de Monchén.
• Muela Mujer.
• Muela de Sant Chuan.[6]

Penyas

Ta más detalles, veyer l'articlo Penyaveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Envista de la versant sud de la penya Uruel.

Una penya ye un mont y un pueyo rocoso con alta pendient. La formación d'un sinclinal pendiu se veye afavorida por livels de roca tova de gran potencia en relación a los livels duros superiors. La erosión de materials tovos como las archilitas y los salagons fa que los materials rocosos resistents y plegaus queden en alto, cada vegada mas aislaus, y se faigan vistables convertindo-se en penyas.

• Penya de las Armas.[7]
• Penya Foratata.[8]
• Penya Forca.[9]
• Penya Uruel.
• Punta Llerga.[8]

Castiellos

Lo Castiello Mayor, un sinclinal pendiu y klippe de calsineras de las sierras interiors pirenencas sobre lo flysch.

Si la penya ye aislada y rodeyada de cinglos puede responder en toponimia a un "castiello".

• Castiello d'Acher.
• Castiello Mayor (sinclinal pendiu y klippe).[9]

Mamblas

Ta más detalles, veyer l'articlo Mamblas (cheomorfolochía)veyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Envista de la sierra de las Mamblas dende cerca de Mecerreyes (Burgos).

En tierras de la Meseta Espanyola, y especialment en la provincia de Burgos bi ha uns sinclinals pendius que corresponden toponimicament con mamblas, ye dicir, releus con forma de teta. Las mamblas s'han formau en plegos d'estratos de calsinera de lo Cretacio superior que han sedimentau sobre almendrons y arenitas. Como en estas series de plegos gosan conservar-sen millor los sinclinals no que los anticlinals, los cabaltos de las mamblas gosan corresponder a sinclinals pendius.[10]

Sierras

Ta más detalles, veyer l'articlo Sierraveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

• Sierra de Cucalón.[2]
• Sierra de la Talaya.[2]
• Sierra Vernera.[9]

Referencias

1. (es) Eduardo Viñuales Cobos: Red Natural de Aragón. Comunidad de Calatayud nº 17. Gubierno d'Aragón, Sodemasa, Prames, 2007, p. 62.
2. (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984. p. 94 p 96-100.
3. (es) Francisco Pellicer Corellano: El Relieve del Moncayo. Diputación general de Aragón, 1987. p 13-16, p 32-33.
4. (es) Instituto Geológico y Minero de España: Mapa Geológico de España E 1:50.000. Villarluengo. Servicio de publicaciones de Ministerio de Industria y Energía, 1985. pp 20-23, p 35.
5. (es) José Luis Peña Monné, Luis Alberto Longares Aladrén, Marta Espinalt Brillas: Paisajes naturales de la provincia de Teruel. Guía del medio natural. Instituto de Estudios Turolenses, 2000. ISBN 84-86982-97-9. pp 56-57, p. 107.
6. (es) José Luis Peña Monné, Miguel Sánchez Fabre, María Victoria Lozano Tena: Las formas de relieve de la Sierra de Albarracín. Centro de Estudios de la Comunidad de Albarracín, 2010, p 35, p 54.
7. (es) Francisco Pellicer Corellano: Geomorfología de las cadenas ibéricas entre el Jalón y el Moncayo. Cuadernos de estudios borjanos, ISSN 0210-8224, Nº 13-14, 1984, pág. 150.
8. (es) Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995, p. 332, p 357.
9. (es) Ánchel Belmonte Ribas: Guía Geológica del Pirineo, Editorial Pirineo, p. 91.
10. (es) Julio Muñoz Jiménez y Concepción Sanz Herráiz: Guía Física de España 5. Las Montañas. Alianza Editorial, 1995, p. 141.

• Datos: Q110099704