|
Reino d'as Dos Sicilias
O Reino d'as Dos Sicilias estió un estau con territorio en o sud d'a Peninsula Italica, Sicilia y cualques islas d'arredol. O Reino d'as Dos Sicilias fue creyau en 1816 (en ixas envueltas d'o Congreso de Viena), con os territorios d'os anteriors Reino de Nápols y Reino de Sicilia, y remató anexionau por o Reino d'Italia en 1861 en o proceso d'Unificación d'Italia. A suya forma de gubierno estió a monarquía absoluta, estando baixo control d'a branca espanyola d'os Borbons. Orichen d'o nombreL'orichen d'o nombre de "Dos Sicilias" se remonta a l'arribada a Italia de Carlos I d'Anchú en 1259, qui recibió d'o Papa Climent IV o títol de Utriusque Siciliae Rex ("Rei d'as Dos Sicilias"). Dimpués d'a revuelta d'as Vespras Sicilianas, esdevenida en l'anyo 1282, o reino quedó dividiu en dos parz: a isla de Sicilia quedó en mas d'a Corona d'Aragón y a part continental en mans d'os Anchú. Os dos reis feban servir o títol de Rei de Sicilia. D'astí naixioron as denominacions de Regno di Sicilia al di cua del faro (Reino de Sicilia d'este costau d'o faro) y Regno di Sicilia al di là del faro (Reino de Sicilia de l'atro costau d'o faro), en referencia a lo Faro de Mecina. En o Congreso de Viena de 1816, s'oficializó a unión d'o Reino de Sicilia y d'o Reino de Nápols y o rei Ferrando I fació servir a denominación de "Dos Sicilias" pa dicir o nuevo reino.
|
|||||||||||||||||||||||||||||||||||
.svg){kind=small}
.svg)
Portal di Ensiklopedia Dunia
