Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
O reggae ye un cheneromusical que tien o suyo orichen en Chamaica. O termin reggae a sobén se usa ta la mayoría d'os ritmos chamaicanos, incluyindo o ska, o dub y o rocksteady. Apareixe mientres a zaguera parti d'a decada de 1960, d'a fusión de diversos ritmos d'o calypso, y o jazz, blues y rock and roll nordamericans. Tien un ritmo binario sincopato con desplazamiento de tiempo fuerte como prencipal caracteristica. Se puet entrepitar chenealochicament como una evolución dreita d'o ska enta ritmos mas lentos, pasando por o rocksteady.
O reggae incluye dos subcheners: o roots reggae y o dancehall.
A etimolochía d'o termin reggae no se conoixe guaire bien, encara que poderba estar una derivación de ragga, que ye una abreviadura de raggamuffin, que en anglés significa literalment "vestito con andrallos". S'emplega ista etiqueta ta decir a los pobres de Chamaica, y tamién os rastas y os movimientos culturals d'os barrios pobres. Actualment se dicen por un regular ragga u raggamuffin bels subestilos d'o reggae. Atras fuents dicen que o termin reggae proviene d'una canción de The Maytals, tetulata "Do the reggay", en a que a parola "reggay" quererba decir "regular", isto ye, chent normal y corrient.
O reggae se basa en un estilo ritmico caracterizato por tallos regulars sobre una musica de fundo feita con una bateria ritmica, conoixita como "beat", y a bateria, que se tanye en o tercer tiempo de cada compás. Iste ritmo ye mas lento que os d'atros estilos precursors d'o reggae como lo ska y o rocksteady.
A lo reggae se l'asocia con o movimiento rastafari, que influyó a muitos musicos prominents d'o reggae en os anyos 1970 y anyos 1980.
A lo prencipio o suyo emplego se limitaba a las cerimonias rasta, mas entabant se convertió en un vehiclo d'expresión musical en os guetos de Chamaica.
A musica reggae a sobén toca temas socials, amás de politicos u relichiosos. Iste compromís que adopta a sobén o reggae permite relacionar-lo con atros estilos como a canción d'autor u o punk.
A primera aparición d'a musica reggae s'atribuye a la canción Fat man d'o cantaire Derrick Morgan.[1] Encara que bi'n ha que dicen que "Do the reggay" d'o grupo The Maytals liderato por Toots Hibbert, en estió a primera canción.
Estilos
En Chamaica s'han feito populars nuevos estilos como lo dancehall y o ragga (tamién conoixito como raggamuffin) consistents en un reggae con bases electronicas, probablement influitas por o hip hop, o drum and bass y atros estilos.
Gracias a la faina de DJ Kool, apareixe un nuevo estilo dito hip-hop u musica rap. En o sentito chamaicano d'a parola ye un DJ (Disc Jockey), que s'encarga de meter-ie a musica, y un "MC" (Master of Ceremonies) u rapero, que i fa rimas vocals. Os termins jaying, toasting o chating s'emplegan en Chamaica. O termin rapper gosa emplegar-se en tot o mundo.
Bader, Stascha (1988): Worte wie Feuer. Dance Hall-Reggae und Raggamuffin in Jamaika und England. Buchverlag Michael Schwinn, Neustadt, 2. Aufl. 1992. ISBN 3-925077-11-1.
Baek, Henrik & Hedegard, Hans (1999): Dancehall Explosion, Reggae Music Into the Next Millennium. Samler Borsen Publishing, Dinamarca. ISBN 87-981684-3-6.
Barrow, Steve & Dalton, Peter: The Rough Guide to Reggae. Rough Guides. 3a. edición. Anyo 2004. ISBN 1-84353-329-4.
Bradley, Lloyd (2000): This Is Reggae Music. The Story of Jamica's Music. Penguin Books Ltd, Gran Bretanya.
Bradley, Lloyd: Bass culture. Filosofia, storia e protagonisti della reggae music. Shake edicioni, 2008. ISBN 978-88-88865-68-3.
Bratfisch, Rainer: Das große Reggae-Lexikon; Rastas, Riddims, Roots und Reggae: Vom Ska bis zum Dancehall – Die Musik, die aus Jamaika kam. Verlag Schwarzkopf + Schwarzkopf, Berlín, Alemanya, 2003. ISBN 3-89602-516-3.
Clarke, Sebastian: Les racines du reggae: évolution des musiques populaires jamaïcaines. Éditions caribéennes, 1981. ISBN 2-903033-26-9.
Constant, Denis: Aux sources du reggae: musique, société et politique en Jamaïque. Éditions Parenthèses, 1982. ISBN 2-86364-014-3.
Davis, Stephen & Simon, Peter (1979): Reggae Bloodlines: In Search of the Music and Culture of Jamaica. Da Capo Press. ISBN 0-306-80496-4.
de Koningh, Michael & Cane-Honeysett, Laurence (2003): Young Gifted and Black - The Story of Trojan Records. Sanctuary Publishing, Gran Bretanya. ISBN 1-86074-464-8.
de Koningh, Michael & Griffiths, Marc (2003): Tighten Up - The History of Reggae in the UK. Sanctuary Publishing, Gran Bretanya. ISBN 1-86074-559-8.
Jahn, Brian & Weber, Tom (1998): Reggae Island: Jamaican Music in the Digital Age. Da Capo Press. ISBN 0-306-80853-6.
Jérémie Kroubo Dagnini: Les origines du reggae: retour aux sources. Mento, ska, rocksteady, early reggae, L'Harmattan, coll. Univers musical, 2008. ISBN 978-2-296-06252-8.
Manuel, Peter; Kenneth Bilby i Michael Largey (2006): Caribbean Currents: Caribbean Music from Rumba to Reggae (2a. edició). Temple University Press, 2006. Philadelphia, Estats Units: Temple University Press. ISBN 1-59213-463-7.
.svg)
