|
Nicolau Copernico
Nicolau Copernico naixiu de Toruń, Prusia Reyal, Reino de Polonia (hue Polonia) o 19 de febrero de 1473 y muerto en Frombork o 24 de mayo de 1543 estió un astronomo polaco. Tamién conoixito como a Mikołaj Kopernik (en polaco) o Nicolaus Copernicus (en latín). Copernico ye considerato o fundador de l'astronomia moderna, por haber-li dato las bases que li permitioron a Isaac Newton de culminar a revolución astronomica —en pasar d'un universo cheocentrico a un cosmos heliocentrico— y de cambear de traza irreversible a visión d'o cosmos prebalent dica ixe inte. Copernico estió, amés, un especialista en trigonometría. Lo podemos ubicar dentro d’o Renaiximiento. Os suyos libros estioron incluyius en o Index librorum prohibitorum, anyos dimpués d'a suya muerte, con o caso Galileo.[1] Estudios y primeras investigacions Dimpués d'a muerte desu mai y su pai, lo tío materno d'o choven Nicolás, Lucas Watzenrode, amparó a Nicolás y tos suyos tres chirmanos, Catalina, Barbara y Andrés baixo a suya protección y s'encargó d'a suya educación.[2] No se conservan documentos sobre os primers anyos d'a suya infancia y a educación primaria. Os biografos de Copernico suposan que Watzenrode ninvió per primera vegada a o choven Copernico a la Escuela de San Juan, en Toruń, an él mesmo heba estau mayestro. Mas tarde, seguntes Armitage, lo nino asistió a la Escuela d'a Seu de Cracovia en Włocławek, a uns 33 km a lo sudeste de Toruń seguindo o río Vistula puyando o rio, que preparó a os alumnos pa ingresar a la Universidat de Cracovia, l'Alma mater de Watzenrode en a capital de Polonia. A epoca en a que vivió Regiomontano, Polonia, yera en una verdadera Edat d'Oro cultural, y en a que a Universitat de Cracovia teneba un gran prestichio en matematicas y en astronomia. Cursó os estudios en a Universidat Jaguellonica, de Cracovia en o periodo entre (1491 y 94) aproximadament, con o matematico Wojciech Brudzewski como mayestro. Viachó por Italia y s'inscribió en a universitat de Bolonya (1496-1499), on estudió dreito, medicina, griego y filosofía, y treballó como asistent de l'astronomo Domenico da Novara. Novara ye un d'os primers científicos que posa en cuestión o sistema cheocentrico de Claudio Ptolomeu. O intrés de Copernico por la cheografía y l'astronomía fue estimulau por o suyo profesor. Éls dos observoron lumerosas ocultacions, eclixes de luna, asinas como a ocultación d'a estrela Aldebaran o 9 de marzo de 1497 a Bolonya.  En l'anyo 1500 se fue enta Roma, a on que dió un curso de matematicas y astronomía, en 1501 tornó ta la suya patria y prenió posesión d'una canonchía d'a seu de Frauenburg, cargo obtenito gracias a l'aduya d'o suyo tío Lucas Watzelrode. A penar d'o suyo cargo las suyas obligacions administrativas, que iban dende a reforma d'a moneda dica a contener y refrenar a orden Teutonica, decide acabar os suyos estudios de medicina, y por tanto, tornó ta Padua (1501-1506) por estudiar dreito y medicina; encara fació una breu estada en Ferrara (1503), a on que obtenió o grau de doctor en dreito canonico. Dimpués tornó ta Polonia y construyó un observatorio en Frauenburg (huei Frombork), on feba las suyas investigacions d'astronomia. En siet anyos escribiba Hypothesibus Motuum Coelistium a se Contitutis Commentariolus (conoixito con o títol de Commentariolus), curto tractau d'astronomía, que remató enta 1515, y que no fue publicau dica o sieglo XIX. Ye en esta obra a on anunciaba os suyos principios de l'astronomia heliocentrica, que revolucionó la comunidat científica d'o suyo tiempo. Reinstalau ya de pa cutio en o suyo país (1512), atendió l'administración d'a diocesi d'Ermland, exerció a medicina, ocupó ciertos cargos administrativos i levó a cabo o suyo inmenso y fundamental treballo en o campo de l'astronomía. A suya obra mayestra, De Revolutionibus Orbium Coelestium, fue escrita en 25 anyos. (1507-1532) y fue publicada postumament o 1543 por Andreas Osiander, pero muitas d'as ideyas basicas y d'as observacions que contién circuloron a traviés de l'opusclo commentariolus (no editau dica o 1878), que, a penar d'a suya brevedat, ye d'una gran precisión e claridat. D'esta obra machistral, (De Revolutionibus), en surchió pensamiento científico moderno y a imachen de l'Universo mes aceptada dica o primers d'o sieglo XX, no será publicada dica o 24 de mayo de 1543, poco enantes d'a suya muerte, por un impresor de Nuremberg. Este libro contién importants seccions sobre trigonometría que ya heban estau publicadas separadament l'anyo anterior baixo o títol de De lateribus et angulis triangulorum. O material trigonometrico ye analogo a lo d'o De triangulis de Regiomontano, publicau 10 anyos antes en Nuremberg, pero as ideyas trigonometricas de Copernico pareixeban estar d'antes d'o 1533, cuan probablement no conoixeba os treballos de Regiomontano. Con tot y con ixo, ye muito posible que a forma final d'a trigonometría de Copernico proceda, en parte a lo menos, d'a de Regiomontano, pus en 1539 Copernico recibió como estudiant a lo choven matematico prusiano eorg Joachim Rheticus (o Rhaeticus, 1514-1576), un matematico de Wittenberg que sin duda heba estau en contacto con as matematicas que se'n feban en Nuremberg. Rheticus treballó chuanto a Copernico mientres unas tres anyadas, y estió él qui publicó, con l'aprobación d'o suyo mayestro, a primera exposición resumida de l'astronomía de Copernico en una obra titulada Narratio Prima (1540), y tamién qui fació os primers preparativos, completaus mes tarde por Andreas Osiander, pa a publicación impresa d'o famoso De revolutionibus. Ye probable, doncas, que a trigonometría que apareixe en a obra clasica de Copernico siga relacionada estreitament, a traviés de Rheticus, con la de Regiomontano. Mos podemos dar cuenta d'o nivel de dominio d'a trigonometría por parte de Copernico por o os teoremas que apareixen en o De revolutionibus y por una proposición que incluyó en una primera versión manuscrita d'o libro, pero que no apareixió en a versión impresa. Esta proposición eliminada ye una cheneralización d'un teorema de Nasir Eddin (teorema que si apareixe en o libro) sobre o movimiento rectilinio resultant de combinar dos movimientos circulars. O teorema de Copernico ye o siguent: Si un cerclo menor redola sin esvarizar-se por l'interior d'a circumferencia d'un cerclo mayor con un diametro dos vegadas mayor, alavez a trachectoria d'un punto fixo d'o cerclo menor que no siga situau sobre a circumferencia ye una elix. Incidentalment, Cardano conoixeba o teorema de Nasir Eddin, pero no a cheneralización de Copernico, teorema que fue redescubierto mientres o sieglo XVII. A teoría heliocentrica copernicanaO sistema de Copernico descansa sobre a observación que a Tierra redola arredol d'o suyo eixe una vegata cada día, o que explica o movimiento diurno d'a esfera celeste. Postula, igualment que a Tierra fa una vuelta a lo Sol (heliocentrismo) cada anyata. Afirma tamién que os atros planetas fan o mesmo arredol d'o Sol. Copernico abanzó tamién que a Tierra bandeya tamién sobre o suyo eixe, o que explicaría a precesión. A teoría de Copernico ataca a teoría de Ptolomeu, a cosmolochía, a fisica, y, dica a filosofía d'Aristótil. Tamién as Escrituras biblicas promulgaban a teoría d'a inmovilidat d'a Tierra y o movimiento d'o Sol. Copernico conserva, de todas trazas, bels elementos de l'antigo sistema. A ideya d'as esferas solidas, u a esfera d'os fixos. O nuevo sistema proposato por Copernico tien ciertas avantallas sobre o d'o suyo predecesor. Explica, entre atras cosas, o movimiento diario d'o Sol, y d'as estrelas pa a rotación terrestre. Tamién explica o movimiento d'o Sol mientres l'anyata. Igualment explica o movimiento retrogrado d'os planetas exteriors, Marte, (Chupiter, Saturno). A suya teoría tien en cuenta tamién, os planetas interiors, (Venus, y Mercurio). Copernico abanza tamién una teoría sobre l'orden d'os planetas, as suyas distancias, y, doncas, o periodo orbital. Copernico contradiz a Ptolomeu, dicindo que contra mes gran ye a orbita d'un planeta, mes gran ye o tiempo que caldrá pa que faiga una revolución completa al Sol.  Copernico heba estudiato os escritos d'os filosofos griegos mirando-ie referencias a lo problema d'o movimiento terrestre, especialment os pitagoricos y Aristarco de Samos, qui establió por primera vegata a teoría heliostatica. As hipotesis fundamentals d'a Teoría Copernicana son:
Ye indudable que 2000 anyatas de teoría cheocentrica no rematoron por haber-ie un unico cientifico como Copernico que demostrase a suya falsedat, ye platero que a teoría cheocentrica fue abandonata sobretot por una necesitat social inspirata en os nuevos aires d’o Renaiximiento y d'o neoplatonismo que se respiraban La revolución copernicanaO que se conoixe como a revolución copernicana ye a suya formulación d'a teoría heliocentrica, seguntes a cual, a Tierra y os atros planetas chiran arredol d'o Sol. Cal centrar o valor real d'a suya obra en o feito de reimposar teorías ya refusatas por o sentito común y de dar-lis una estructuración coherent y cientifica. A ruptura basica que representaba pa a ideolochia relichiosa medieval a substitución d'un cosmos cerrato y hierarquizato, con l'hombre como centro, por un universo homochenio i infinito, situato arredol d'o Sol, fació dudar a Copernico de publicar a suya obra pa evitar problemas mes que previsibles con a Ilesia, e no estió dica o 1543 que amaneixió a primera edición d'o De Revolutionibus Orbium Coelestium, como ya s'ha dito, feita en Nuremberg con la supervisión d'o suyo disciplo Georg Joachim Rheticus. Honors y reconoiximientos
Bibliografía
ReferenciasVinclos externos
|
||||||||||||||||||||||||||||
.svg){kind=small}
