Nacionalidaz d'Espanya

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O mapa amuestra en royo las comunidaz autonomas que os Estatutos correspondients definen como nacionalidaz. As altras comunidaz son consideratas rechions dende o punto de vista constitucional, fueras de Navarra, que ye definita como Comunidat Foral.

Nacionalidat historica [1]u, simplament, nacionalidat [2] son termins politicos que s'ha venito emplegando a Espanya dende a reinstauración democratica d'o estau ta referir-se a ixas comunidaz autonomas que tienen un sentimiento nacional u de fortal identidat colectiva, lingüistica u cultural, cuan per a historia cuan per un sentimiento cheneralizato entre a ciudadanía d'a comunidat. Altros termins a ixa fin concebitos en propuestas mientres a VIII lechislatura son estaus realidat nacional[3] y carácter nacional.[4]

Es termins tienen una difícil interpretación legal. En a vichent Constitución espanyola de 1978 se fa servir a expresión: «as nacionalidaz y rechions que entegran [...] a nación espanyola». O termin «nacionalidat» pareix que s'emplega ta no equiparar as comunidaz con a «nación», vocable reservato ta Espanya (seguntes bels churistas exclusivament y seguntes uns altros no). A mayoría d'os ponents d'a Constitución interpretó, en o curso d'o debate que se'n fació en o Congreso d'os Deputatos, que o concepto constitucional «nacionalidat» ye sinonimo de «nación».

A Constitución de 1978 reconoix a existencia de nacionalidaz y rechions, y lis atorga l'autonomía sin establir diferiencias administrativas entre ellas:

A Constitución s'fundamentoa en a indisoluble unidat d'a Nación espanyola, patria comuna y indivisible de toz es espanyols, y reconoix y guarencía lo dreito ta l'autonomía d'as nacionalidaz y rechions que la entegran y a solidaridat entre totas ellas.

Constitución Espanyola de 1978

Un altro caso reconoixito en a Constitución ye o d'as rechions diferenciatas historicament a lo mesmo nivel que as ditas nacionalidaz. Ye o que esdevién con Navarra, que poseye un grau mas gran d'autonomía que no as altras comunidaz autonomas, en virtut d'os dreitos historicos reconoixitos a los territorios forals a la disposición adicional primera d'a Constitución.

Actualment, as comunidaz autonomas reconoixitas como «nacionalidaz» en os suyos estatutos son:

• Andalucía (1981 y 2007) - nacionalidat historica.
• Aragón (1996 y 2007) - nacionalidat historica.
• Canarias (1996) - nacionalidat.
• Catalunya (1979 y 2006) - nacionalidat; (en o preámbol) nación, realidat nacional.
• Comunidat Valenciana (1982 y 2006) - nacionalidat; nacionalidat historica.
• Islas Balears (1983 y 2007) - nacionalidat historica.
• Galicia (1981) - nacionalidat historica.
• País Basco (1979) - nacionalidat.

Referencias

1. Estatuto d'Autonomía d'Aragón (reformato en 2007) ([1] PDF).
   Estatuto d'Autonomía d'a Comunidat Valenciana (reformato en 2006, edición d'as Corz Valencianas) ([2] PDF).
   Reforma d'o Estatuto d'Autonomía d'as Islas Balears ([3]).
2. Estatuto d'Autonomía d'Andalucía de 1981 ([4])
   Estatuto d'Autonomía de Catalunya de 2006 ([5]), Reforma d'o
   Estatuto d'as Islas Canarias ([6])
3. Reforma d'Estatuto d'Autonomía de Andalucía, Congreso d'os Deputatos ([7] PDF)
4. "Alcuerdo sobre criterios ta un Estatuto [d'autonomía de Galicia] de toz", sinyato per o Partido Socialista de Galicia y o Bloque Nacionalista Galego ([8])

• Datos: Q2736168