|
Modo imperativo en aragonés
O modo imperativo en aragonés se fa servir pa fer oracions con a intención de creyar una acción u cambiar-ne un atra, por un regular órdens. O imperativo tamién apareix en cualques oracions condicionals. O modo imperativo no presenta ni as primeras personas ni as terceras. Pa expresar una orden referida a la primera persona plural u a terceras personas se fa servir o present de subchuntivo.
Aspectos ortograficosEn aragonés medieval yera regular la escritura de la -t final en tot lo territorio aragonés. Manimenos esta pronunciación se conserva unicament en aragonés benasqués, pronunciando-se esta consonant final como -r en cuasi tot l'Alto Aragón coincidindo con o castellano popular (cantar, deber, partir). En bel puesto ni sisquiera se pronuncia consonant final en o imperativo plural. A ortografía de l'Academia de l'Aragonés recomienda a escritura d'a t final en os imperativos de fueras d'os imperativos con desinencia analochica[1] de l'aragonés de Valle de Vio,[2], l'aragonés belsetán[3] y l'aragonés chistabín[4], aragonés d'a Valle de Tella[5], aragonés de Viello Sobrarbe[6], y aragonés baixo-ribagorzano[7] que s'escribirán con o digrafo tz en posición final:
Referencias
Bibliografía
|
