Pasau imperfecto de subchuntivo en aragonés

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Tiempos verbals en aragonés

Modo indicativo

Present Pasau perfecto simple Pasau perfecto perifrastico Pasau imperfecto Pasau perfecto composau Pasau anterior Pasau plusquamperfecto Futuro Futuro perfecto Condicional Condicional perfecto

Modo subchuntivo

Present Pasau imperfecto Pasau perfecto Pasau plusquamperfecto

Modo imperativo

Impresonals

Infinitivo simple Infinitivo composau Participio Cherundio

O Pasau imperfecto de subchuntivo en aragonés substituye a lo present de subchuntivo en tiempo pasau.

Formas

Persona	1ª Conchugación	2ª Conchugación	3ª Conchugación
1ª Sing.	Aduyase	Debese	Partise
2ª Sing.	Aduyases	Debeses	Partises
3ª Sing.	Aduyase	Debese	Partise
1ª Plur.	Aduyásenos	Debésenos	Partísenos
2ª Plur.	Aduyásez	Debésez	Partísez
3ª Plur.	Aduyasen	Debesen	Partisen

Variants

En l'aragonés de Sobrarbe a primera y tercera personas no rematan en vocal: partís, aduyás, etc... Esta forma se troba muito a sobén en aragonés medieval, por eixemplo en a "Cronica de Sant Chuan d'a Penya" y en o "Libro de los Emperadors". Bel autor l'ha feito servir en aragonés común, encara que de traza minoritaria.

Uso

Se fa servir en oracions condicionals:

• Si me pagases bien te tractaría millor

O "imperfecto condicional" ye l'uso d'o pasau imperfecto de subchuntivo en una clase d'oracions condicionals en aragonés sin de conchunción condicional, por un regular omitindo a conchunción condicional si:

• Feses la fayena be, no yería que tornà-la a fè (benasqués).[1]
• Venises cuan se te grite, no te calríe queixà dispués (benasqués).[1]
• Demanasets lo que ye de ragón, us ue consederían (benasqués).[1]
• Ises por la noche, el trobarías lleno de mixons (baixo-ribagorzano).[2]

Referencias

1. (es) José Antonio Saura Rami: Elementos de fonética y morfosintaxis benasquesas. Gara d'Edizions, Institución Fernando el Católico, 2003. pp 298
2. (es) Maria Luisa Arnal Purroy: El habla de la Baja Ribagorza Occidental: Institución Fernando el Católico, 1998, p 421.

Se veiga tamién

• Pasau imperfecto de subchuntivo

O pasau imperfecto de subchuntivo en aragonés y atras luengas romances
pasau imperfecto de subchuntivo en galaicoportugués | pasau imperfecto de subchuntivo en astur-leyonés | pasau imperfecto de subchuntivo en castellano | pasau imperfecto de subchuntivo en aragonés | pasau imperfecto de subchuntivo en catalán | pasau imperfecto de subchuntivo en occitán | pasau imperfecto de subchuntivo en francés | pasau imperfecto de subchuntivo en italiano

• Datos: Q20616460