Luengas altochermanicas

Iste articlo tracta sobre un grupo de luengas, no s'ha de confundir con l'alemán estándard

Luengas altochermanicas
Familia lingüistica
Atras denominacions:	Alto alemán
Distribución cheografica:	prencipalment en Alemanya central y meridional, Liechtenstein, Luxemburgo, norte y centro de Suiza, Austria, partis de Polonia, Alsacia y Tirol d'o Sud
Etnia:
Clasificación lingüistica
Clasificación:	Indoeuropeas Chermanicas Occidentals Altochermanicas
Protoluenga:	{{{protoluenga}}}
Subdivisions:	1) Centrals 2) Alto franco 3) Superiors 4) Yiddisch
ISO 639-1:	[1]
ISO 639-2:	[2]
ISO 639-3:	[3]
ISO 639-4:	[4]
ISO 639-5:	[5]
Linguasphere:	{{{linguasphere}}}
Glottolog:	high1286
Mapa de situación
Luengas altochermanicas en verde y azul, por debaixo d'as linias de Benrath y Uerdingen

As luengas altochermanicas u alto alemán son un grupo de luengas emparentadas con l'alemán estándard que se charran a o sud d'as isoglosas de Benrath y Uerdingen en o centro y sud d'Alemanya y en Austria, Liechtenstein, Suiza y Luxemburgo asinas como en bellas zonas d'as vecinas Belchica (Eupen-Malmedy) y Países Baixos (limburgués meridional), Francia (Alsacia y norte de Lorena), Italia (Tirol d'o Sud) y Polonia (Alta Silesia). Tamién ye charrau por minorías en Rumanía, Rusia, os Estaus Unius, Brasil, Archentina, Chile y Namibia.

As luengas altochermanicas se caracterizan por a segunda mutación consonantica, que las desepara d'o baixo alemán y as luengas baixofrancas (neerlandés), todas aintro d'o contino dialectal d'as luengas chermanicas occidentals continentals.

Árbol de familia

As divisions entre subfamilias adintro d'as luengas chermanicas no gosan estar guaire precisas, por ixo bi ha muitos dialectos vecins que son mutuament intelichibles mientres que no en son con respecto a atros que se troban mas luent. Amás, nunca no ha existiu un idioma "proto-alto alemán". Por ixa y atras razons, a ideya de representar as relacions entre istas luengas en un árbol ye encara controvertida entre os lingüistas.

• Luengas altochermanicas centrals (en alemán Mitteldeutsch).
  • Alemán central oriental, incluyindo l'alemán estándard[1].
    • Turinchián.
    • Alto saxón, incluyindo o l'alemán central d'os Monts Metalicos.
    • Brandemburgués.
    • Lusacián.
    • Silesián (charrau por a minoría alemana en l'Alta Silesia).
    • Alto prusiano, cuasi extinto.
  • Alemán central occidental.
    • Franco central.
      • Ripuario.
      • Franco moselán, incluyindo o luxemburgués.
    • Franco renano.
      • Franco palatín, incluyindo o franco lorenés (Francia).
        • Alemán de Pennsilvania (en Canadá y os Estaus Unius).
      • Alemán central hessián.
• Alto franco, en a zona de transición entre l'alto alemán superior y l'alemán central.
  • Franco oriental.
  • Franco meridional.
• Luengas altochermanicas superiors (en alemán Oberdeutsch).
  • Alamanico, incluyindo l'alemán suizo.
    • Suabio.
    • Baixo alamanico, incluyindo l'alsaciano y o l'alamanico de Basilea.
    • Alto alamanico.
    • Alto alamanico superior.
  • Bavaro, incluyindo l'alemán austriaco.
    • Bavaro septentrional .
    • Bavaro central, incluyindo o vienés.
    • Bavaro meridional, incluyindo o mocheno en o Trentino, Italia.
    • Cimbrio, cuasi desapareixiu.
    • Hutterita (en Canadá y os Estaus Unius).
• Yiddisch, evolucionau de l'alto alemán medieval.

Referencias

1. (en) Ethnologue: East Middle German

• Datos: Q52040
• Multimedia: High German languages / Q52040