Los Draps

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Los Draps
Logo de Los Draps
Nombre	{{{Nombre_de_naiximiento}}}
Embotada	{{{Alias}}}
Naixió	{{{Naiximiento}}}
Murió	{{{Muerte}}}
Información musical
Orichen	Penyarroya, Matarranya
Estilo	Punk-core, Folk
Ocupancia	{{{Ocupancia}}}
Instrumentos	{{{Instrumento}}}
Tiempo	1997 - 2011 - 2012 - present
Discograficas	{{{Discografica}}}
Relacionau con	{{{Artistas_relacionaus}}}
Pachina web
Miembros
Alex Kolores Marc Txutxa Espígol Flare Jorgito Natalia

Los Draps ye un grupo aragonés de musica en catalán, formato en a comarca d'o Matarranya. O suyo estilo musical ye o punk-core entrepitato con instrumentos tradicionals aragoneses como a donzaina.

Historia

O grupo prencipio en l'anyo 1992 tocando en as fiestas d'os lugars d'o Matarranya y arredols, fendo sobre tot versions de cancions d'atros grupos.

En 1997 o grupo fue establito oficialment. Dentran en o grupo Torretes (batería), Rosset (teclau) y Arsís (baixo) antimás de Guenen y Colero que yeran os guitarristas (o segundo antimás o cantaire). A primera actuación d'o grupo estió en o estiu de 1998 en Penyarroya chunto con os grupos de La Codonyera Azero y Artrosis. Dimpués facioron cuantos conciertos mas por a comarca d'o Matarranya. A la fin de 1999, Sisco deixó lo grupo estando substituyiu por Kolores, l'actual batería.

En o estiu de 2000 se gravó a maqueta "Terra de Frontera" y se fan conciertos importants por toda a cheografía d'a Francha y atros puestos como as Islas Balears, antimás s'incorpora a lo grupo lo guitarrista Txutxa.

Dani del Colero, lo cantaire, dixa o grupo en 2002. As nuevas voces son Sérgio y Kolores y agora solo bi'n ha un guitarrista, Txutxa. Dentra en o grupo Flare que toca a dulzaina fendo un cambeo en o estilo d'o grupo a punk-rock con gaita.

En febrero de 2004 gravoron a canción "Matarranya", poesía d'o poeta Desideri Lombarte, natural de Penyarroya. Mas tardi s'incorpora a lo grupo Jorgito, segundo dulzainero. Se fan gravacions de temas como "Cultura Popular", "Revolució" (Revolución) y "Feixistes" (Faxistas). En noviembre d'ixa mesma anyada dentra en o grupo lo guitarrista Marc (ex de Notinkson).

O suyo primer disco "No mos fareu callar!" (No mos farez callar!) apareixe en 2006, o disco incluye 11 cancions en catalán y una, Entalto lo pueblo en aragonés y destacan as colaboracions de Kapi (Azero), Isa, Miguel y Chabi (Prau), Kaspas (Visión Túnel), Josep (Temps al Temps) y Jandro (Mallacán). Iste mesmo anyo a canción "Cultura Popular" recibe o premio a la millor canción de luenga minoritaria d'Aragón en os VIII Premios d'a Musica Aragonesa.

En aviento de 2011, o grupo fació oficial a suya deseparación.[1]

En 2013 retornan en o festival Esfendemos a Tierra 2013 en Artieda.[2] Continando con a suya actividat dica hue.

Miembros

Os zaguers miembros de Los Draps estioron:

• Alex: Voz
• Kolores: Batería y coros
• Marc: Guitarra
• Txutxa: Guitarra y coros
• Espígol: Baixo
• Flare: Donzaina
• Jorgito: Donzaina
• Natalia: Donzaina

Discografía

• Terra de frontera (2000)
• No mos fareu callar (2006)
• Un crit al vent (2008)
• La Penúltima Bala (2017)

Belunas d'as suyas cancions estioron incluitas en bels recopilatorios:

• Correllengua (2002)
• Binissalem (2002)
• Atles musical, una llengua de convit
• Una roella al cor
• Cultura de resistència vol.2 (2004)
• O Zaguer Chilo II (2018)

Vinclos externos

• Myspace oficial
• (ca) Vidio con a canción "Cultura popular"
• (an) Una canción en aragonés de Los Draps

Referencias

1. (an) Los Draps anuncian o cese d'a suya actividat musical, en Arredol, 16 d'aviento de 2011.
2. (an) Los Draps tornarán t´os escenarios en iste “Esfendemos a Tierra 2013”, en Arainfo, 5 de chulio de 2013

• Datos: Q11933944