|
La Val de Carlos
La Val de Carlos (Valcarlos en castellano; Luzaide en basco) ye un municipio de Navarra situato en Auñamendi. La suya población ye de 423 habitants(2006), en una superficie de 44,66 km² con una densidat de población de 9,47 hab/km². ToponimiaEn lo libro Cronica de los Conquiridores s'escribe Vall de Karles cuan parlan de la Batalla de Roncesvals: con el emperador Karles enta Gascuenya enla Vall de Karles do la ora estava el exercitu atentado
Por lo que pareix lo nombre en luengas romances bien de como se clama lo puesto en la literatura epica, pus lo ciclo carolinchio estió muito celebre en la Edat Meya, como tamién debioron estar celebres Roncesvals y la Val de Carlos como puntos de lo Camín de Sant Chaime que seguiban los franceses, occitans y gascons. D'alcuerdo con una tendencia de lo navarro-aragonés, la preposición que bi ha en meyo se dixa de dicir (y s'entiende por contexto), orichinando lo toponimo oficial en castellano, Valcarlos. Idioma bascoHue en día o 65% d'habitants d'ista localidad son euskalduns u bascoparlants. Seguntes o filologo Koldo Zuazo o dialecto de l'idioma basco parlato en Luzaide es o dialecto labortán u navarro-labortán (La Val de Carlos ye una d'as tres localidaz a on se parla ixe dialecto en l'Alta Navarra, as atras dos son Zugarramurdi y Urdazubi). Isto se debe a que a localidat de Luzaide encara que fa parti de l'Alta Navarra se troba a o norte d'o Puerto de Roncesvals (en a versant norte d'os Pireneus), en una val que cheograficament prencipia en La Val de Carlos y s'extendilla practicamente dica as puertas d'a ciudat de Sant Chuan Piet de Puerto, ya en Ultrapuertos u a Baixa Navarra. Ista razón cheografica fa que os habitants de La Val de Carlos haigan tenito una estreita relación con os suyos vecins baixo-navarros y Francia, mas que mas con os d'a localidat baixo-navarra d'Arnegi, mas amanata a Luzaide que a localidat alto-navarra d'Orreaga-Roncesvals. Demografía
Luzaidetarras famosos
Se veiga tamién
|
||||||||||||||||||||||||||||||||||||||||||||||||||||||||||||||||||||||||||||||||||||
