|
Ilesia de Santa Olaria de Mérida d'Orós Baixo
A ilesia de Santa Olaria de Mérida d'Orós Baixo ye una ilesia aragonesa en o lugar d'Orós Baixo, perteneixent a lo termin municipal de Biescas, en a comarca de l'Alto Galligo y provincia de Uesca. Dende lo punto d'a vista d'a suya adscripción administrativa en a Ilesia Catolica, fa parte de l'arcipestrau de Biescas en a diocesi de Chaca y de l'archidiocesi de Pamplona y Tudela. Se tracta d'una d'as ilesias que fan parte d'un grupo conoixiu como "ilesias de Sarrablo", en situar-se todas ellas en Sarrablo y compartir no nomás que a epoca de construcción, so que tamién cuantos elementos constructivos comuns. DescripciónYe una ilesia construyida en piedra picada en o primer cuarto d'o sieglo XI[1] en estilo romanico seguntes bels autors u mozarabe seguntes d'atros, con nomás que una sola nau con abside semicircular, con una torre adosada fácil que con posterioridat a la construcción de l'edificio principal, en a suya frontera norte. En a suya frontera meridional se i troba una portalada con arco de meyo punto con un porche adosau, fácil que tamién posterior a la primera obra d'a ilesia. A nau principal poseye un tellau en fusta, estando cubierto lo presbiterio con un arco de meyo punto y l'abside con una bovida. D'atra man, l'abside se troba decorau con siet arcos ciegos asentaus sobre ueito lesenas. Protección legalA ilesia de Santa Olaria de Mérida d'Orós Baixo se troba protechida con a suya declaración como Bien d'Intrés Cultural o 29 de setiembre de 1982. Referencias
Vinclos externos
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Portal di Ensiklopedia Dunia
