|
Ilesia de Sant Pero de Lasieso
A ilesia de Sant Pero de Lasieso ye una ilesia aragonesa adedicada a Sant Pero, situada en o lugar de Lasieso que fa parte d'o termin municipal de Samianigo, en a comarca de l'Alto Galligo y provincia de Uesca. Ye una ilesia dedicada a Sant Pero construyida en estilo romanico que fa parte d'as ilesias de Sarrablo y que ye la ilesia parroquial d'o lugar.[1] Exteriorment l'edificio, construyiu en piedra picada chicota (menos en a suya torre y en a parte mas baixa d'a nau, que son de tamanyo normal), parixe estar formau por dos naus pero que en realidat nomás en tien que una sola nau con una cambra adosada baixo la suya torre y a on se i dentra dende la nau prencipal; a la ilesia se i dentra a traviés d'un arco de meyo punto.[2] HistoriaArredol de 1070-1080 lo conte Sancho Remíriz (fillo borde de Remiro I y chirmanastro d'o suyo homonimo Sancho Remíriz) fundó en iste lugar una colechiata d'a Orden de Sant Agostín infeudada directament a la Santa Seu.[3] DescripciónYe un edificio formau por nomás que una sola nau que poseye una chicota cambra que s'emplega como base ta debantar-ne dencima la suya torre y que fa que lo conchunto exteriorment parixca poseyer dos absides.[3] Protección legalA ilesia de Sant Pero de Lasieso se troba protechida legalment por a suya declaración como Bien d'Intrés Cultural o 29 de setiembre de 1982. Galería d'imáchens
Vinclos externos
Referencias
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Portal di Ensiklopedia Dunia
