|
Glaciar Occidental de Marmorés
O glaciar Occidental de Marmorés (en francés glacier Ouest du Marboré) ye un glaciar d'os Pireneus situau en o macizo d'as Tres Serols, en a versant norte d'a muga entre Aragón y Francia, en o departamento d'os Altos Pireneus y en a rechión d'Occitania. Se troba en o corazón d'o circo de Gavarnía CheografíaO glaciar Occidental de Marmorés ye en realidat dividiu en tres chicoz glaciars bien diferenciaus, situaus en a cara nord-ueste d'o pico Plan de Marmorés, a cima mas alta d'o circo de Gavarnía. As auguas d'o suyo deschele alimentan a gave de Gavarnía. HistoriaAs morrenas confirman que en a chicota edat de chelo, o glaciar Occidental de Marmorés no yera un solo glaciar sino un conchunto composau de tres chicoz aparatos glaciars activos. O glaciar mas septentrional mediba 0,04 km² por 400 metros de largaria. O glaciar central teneba una superficie de 0,02 km² y 300 metros de largaria. Y o glaciar mas meridional contaba con 0,04 km² y una largaria de 250 metros. Encara que bien presguardaus, istos tres glaciars siguioron o mesmo declin que a resta de glaciars d'a cordelera. Asinas, os glaciars norte y central han perdiu a suya dinamica de movimiento en a decada de 2000, y actualment nomás o segmento mas meridional exhibe encara cualques crepazas. En 2020, l'aparato norte yera una chelera de 0,02 km² por 300 metros de largaria. L'aparato central yera una chelera de 0,01 km² por 200 metros de largaria. L'aparato sud yera un glaciar de 0,02 km² por 150 metros de largaria. Se veiga tamiénVinclos externos
|
||||||||||||||||||||||||||||||||||||||||||||||||||||||||
.png)
Portal di Ensiklopedia Dunia
