Gave de Pau

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Gave de Pau
A Gave de Pau en pasando por Lorda.
Administración
Estaus	{{{estaus}}}
Territorios	Biarn
Cheografía
Longaria	193,1 km
Altaria d'o naixedero	2.200 m
Naixedero	Circo de Gavarnía
Desembocadura	Gaves Reunitas
Hidrolochía
Superficie d'a cuenca	2.600 km²
Cabal meyano	82 m³∙s^-1 m³/s
Mapa

A Gave de Pau (en occitán gave de Pau) ye un río d'Occitania situato en Biarn a lo sud-ueste de Francia.

O termin gave s'emplega ta clamar a un curso d'augua en a zona d'os Pireneus occidentals. Ye una palabra d'orichen precelta que se fa servir muit a sobén en ista zona, habendo perdito lo suyo nombre orichinal muitos ríos ta decir-se actualment a gave de....[1]

As suyas fuents se troban en o circo de Gavarnía, clasificato en 1997 como Patrimonio d'a Humanidat por a UNESCO, en o departamento d'os Altos Pireneus. Iste curso d'augua naixe en Gavarnía encara que prencipia a decir-se Gave de Pau dende Lus e Sent Sauvaire, a on se recullen as aguas d'a Gave de Gavarnía y as d'o Bastan.

A partir d'a confluyencia con a Gave d'Aulorón prene o nombre de Gaves Reunitas (Gaves Reünits en occitán y Gaves Réunis en francés), antis de desembocar en l'Ador en Peirehorada, en o departamento d'as Landas.

Entre as fuents que alimentan a Gave de Pau, bi ha la famosa fuent miraglosa, de Lorda.

Prencipals afluents

• Ribera ezquierda: l'Osom, o Béez, o Néez, Las Hies, a Bayse, a Gave d'Aulorón.
• Ribera dreita: l'Ousse, o Lagoin.

Referencias

1. Miquèu Grosclaude: «Les hydronymes pyrénéens en Béarn», Dictionnaire toponymique des communes du Béarn, Escòla Gaston Febus, Pau, 1991, p. 389.

• Datos: Q855193
• Multimedia: Gave de Pau / Q855193