Deputación Provincial de Uesca
A Deputación de Uesca ye l'organo institucional propio d'a provincia de Uesca, que incluye a os suyos 202 municipios. S'encarga d'ofrir diversos servicios a os ciudadans y fomentar a colaboración entre os municipios. Fue establita con a división d'Espanya en provincias por Javier de Burgos en 1833. L'actual president ye o socialista Miguel Gracia Ferrer, alcalde d'Arén de Noguera. Os 25 deputaus que tien seguntes as leis, dimpués d'as eleccions municipals de 2015, perteneixen a os siguients partius politicos: PSOE-Aragón (12); Partido Popular (9); Partido Aragonés (3); y Cambiar Uesca (1). ComposiciónOs organos de Gubierno son[1]: o president, o vicepresident primer, a Chunta de Gubierno, o Pleno y as Comisions informativas. Dende o 25 de chunio de 2015, o suyo president ye o socialista Miguel Gracia Ferrer. Corporación provincialA Deputación de Uesca se composa de 25 deputaus provincials, que son trigaus por os distintos partius chudicials d'a Provincia de Uesca en en relación a la representatividat de concelleros en os Concellos, una vegada constituius istos dimpués d'as eleccions municipals. Istos deputaus forman o pleno d'a corporación, maximo organo de gubierno de l'administración provincial. O pleno se trestalla en grupos politicos. Contino se relacionan os Deputaus Provincials trigaus en chunio de 2015 ta o mandato dica 2019[2].
|
Portal di Ensiklopedia Dunia