|
Crespiellos
Os crespiellos[1][2] (d'o latín < CRISPU "frisau")[3] son un postre tipico d'as comarcas d'o semontano de Balbastro y Sobrarbe, en a provincia de Uesca. HistoriaOs crespiellos pueden fer-se como se feban d'antis mas en o mundo rural, a on los elaboraban con as pencas d'as borrainas u d'as verzas (os repuis que se rebuyaban). Yera o metodo emplegato por as mullers aragonesas ta aproveitar-lo tot, reservando o millor d'a verdura ta a chenta y fendo servir ta postre lo que por un regular se volaba. En a "fiesta d'o crespillo" de Balbastro, por a Encarnación (o domingo mas amán a o 25 de marzo), se celebra o rito d'a "preñez de las oliveras" y se fa iste postre a base d'espinaques. ElaboraciónCon a farina, as dos terceras partis d'o zucre, os uevos batitos y una mica de leit se fa una masa muit lichera con a que se rebozan as fuellas mas tiernas d'a borraina, una vegata bien limpias y en trocez. Se fan fredir en aceite muit calient y cuan son doratas s'escorren y s'espolvaracian con zucre. Literatura popular referent a crespiellosEncara que os crespiellos sigan famosos en o Semontano de Balbastro tamién son conoixius en as vals d'o Pireneu Axial. En chistabín Fernando Blas Gabarda y Fernando Romanos replegan mencions como:
Jean Joseph Saroïhandy replegó una composición popular en Espierba en l'anyo 1899 en a que nombran los crespiellos:[4] De Chisahues soi baixato de crispillos m'an fartato Referencias
Bibliografía
|
|||||||||||||||||||||
