|
Tomate rosa de Balbastro O tomate rosa de Balbastro ye una variedat de tomate procedent de Balbastro, capital d'a comarca aragonesa d'o Semontano de Balbastro. Ista variedat de tomate tien unas caracteristicas especials tals como a suya grandaria y a suya color que, como o suyo nombre indica, ye rosada. CaracteristicasO tomate rosa de Balbastro ye un tomate gran muit carnoso y con una piel fina, bellament tien simients, ye dolce y tien muit poca agror.[1] A suya color, tal como indica o suyo nombre, tien una tonalidat rosada en cuentas d'a roya intensa que gosan tener atras variedaz de tomate.[2] Tot ello lo fa una variedat muit especial y caracteristica, que a simpla vista se puet reconoixer con facilidat. Amás de por a suya color, destaca por a suya grandaria, que gosa estar prou mas gran que a mayoría de tomates comuns. Encara que o tomate rosa puet estar cautivau mientres toda l'anyada, a temporada ideyal pa cullir-lo en o suyo punto optimo de madurez se da entre agosto y noviembre.[3] Marca rechistradaO 9 d'octubre de 2014, o tomate rosa de Balbastro fue designau Marca Colectiva.[4] O Ministerio d'Industria, Enerchía y Turismo reconoixeba asinas a propiedat intelectual pa o tomate que produce l'Asociación d'Hortolanos de l'Alto Aragón. Congreso nacionalDesde l'anyo 2013, se celebra anyalment o Congreso Nacional d'o Tomate Rosa de Balbastro, un evento que tien como proposito promocionar iste producto. O congreso se celebra en o marco d'a Feria Rechional de Balbastro (FERMA).[5] Referencias
Vinclos externos
|
