|
Chilviella
Chilviella (Xirivella en valenciano) ye un municipio de la provincia de Valencia, situato en la comarca de lo Huerta Ueste. La suya población ye de 30.212 habitants (2007), en una superficie de 5,2 km² con una densidat de población de 5.810 hab/km². ToponimiaYe citada en lo "Repartiment" como Xilbiela, que hemos d'interpretar como Chilviella, (en grafía medieval a vegadas escribiban Belxit y Sanxo y feban servir a ch pa representar o fonema k por eixemplo en alcharea). Comendator d'Alcaniç, alqueriam de Xilbiela, de l'Argarbia, et domos que fuerunt d'Alarif, in quibus stat arrayç Aboçatan, iuxta domos d'Abiniuniç. X kalendas marcii. Cum molendinis et furnis
Dicen de L'Argarbia, u siga, "de l'ueste", pa diferenciar-la d'atra homonina Xilvela del Axarquia, u siga, "de l'este", que se crei que yera por Benicalap u Casas de Bàrcena. Lo toponimo Chilviella ye mozarabe y se remonta a lo latín SILVELLA[1], con un sufixo -ELLA anyadiu a SILVA ("selva"), parola que evolucionó igual en lo toponimo serrán Chelva. Los toponimos romances escritos en lo Repartiment no son los toponimos mozarabes orichinals y son formas modificadas por los escribanos, en este caso un aragonés, no habendo-ie influencia aragonesa en la mención de Xilbela del Axarquia. Fuese la forma mozarabe orichinal con diftongo (Chilbiella) u sin de diftongo (Chilbella), en catalán la palabra orichinal evolucionó ta Xirvella y dimpués ta Xirivella, (en catalán occidental se prenuncian africatos con ch, pero en la grafía catalana y valenciana s'escriben con x d'alcuerdo con una tradición medieval). La forma con diftongo Chiriviella encara existe como apelliu. CheografíaChilviella se situa en la Huerta Valenciana, a l'ueste de la capital. Lo clima ye mediterranio. La suya situación en lo Plan de Cuart li confiere un releu plan y muito apto pa l'agricultura. Orichinariament lo río Guadalaviar no pasaba por lo suyo termin municipal, y regaban la suya huerta con la ceica de Faitanar, que encara ye en funcionamiento. Dimpués de la creixida de 1957 se modificó la glera de lo río Guadalaviar y construyoron una nueva glera seguindo lo prochecto Pla Sud. Dende alavez, Chilviella veyió partiu lo suyo territorio en dos parz: una pegada a Valencia ciudat a l'este y la mes gran part de lo termin municipal a l'ueste. Demografía
Referencias
|
|||||||||||||||||||||||||||||||||||||||||||||||||||||||||||||||||||||||||||||||||||
.svg){kind=small}
